Skip to main content

සීතල හලාවත..

පම්බල කලපුව උඩින් පහුර හිමීට ඇදිලා යන්නේ හරියට කලපුවට රිදෙයි කියලා වගේ... රතුවෙලා තියෙන අකාසෙන් ඉර හැ5ගෙන්න හදන්නෙ අපිත් එක්ක තරහා වෙලා වගේ...
මුලු පහුරම ගොම්මනේ ලස්සනට වශීවෙලා පහුරම නිහඩයි ඉදහිට හබල් සද්දයක් අහෙන්නෙ ඒ නිහඩතාවය බිදිමින්...
නත්තලට මුලු හලාවතම සැරසිලා... මුලු කලපුවම රතුපාටට දිලිසෙන්නෙ පම්බල කලපුවත් නත්තලේ අසිරිය අපිට පෙන්නන්න වගේ...
කම්මැලි වෙලා පාරට එනකොට 10 පහුවුනා විතරයි... හද පේන්න නෑ... අමාවක වෙන්න ඇති... එදා මට කමති වුනා නම් මට අද නත්තල්නේ... මම ඇන තියාගෙන කල්පනා කලේ... සිද්ද වුන දේ ගැන... හීතල හුලගක් සැරින්සරේ හමාගෙන යන්නෙ මේ සීත කාලය කියල පෙන්නලා දෙන්න හදනවා වගේ... කොහොමහරි කැමතිකරගන්නවා.. මම ගලක් අහුලගෙන ලග පොල් ගහට ගැහුවෙ වදී කියලා හිතාගෙන... ඒක වැදුනෙත් නෑ...
" ආ මූ මෙතන " සද්දෙන් මම පියවි ලෝකෙට අවේ මම ඉන්නේ හලාවත කියලා මතක් වෙනවත් එක්කම වගේ...
සීතල එන්න එන්න වැඩිවෙනවා... "යකාගෙ හීතලක්" ලග පොල් අත්තකට ගිනිකූරක් ගහුවේ හීතල වැඩිවුන හින්දා වෙන්නැති... ගිනිමැලේ වටේ ඉදගෙන සින්දුව ඉවරවෙනකොට කොලඹ පැත්තෙන් එලිය වැටීගෙන එනවා...
කාමරෙන් එලියට ඇවිත් එලියෙ කොටේට බරවුනා... කවදාවත් නැතිවිදිහට රැහැයියො කෑ ගහනවා.... ඈතින් බස්සෙක් කෑ ගහනව අහෙන්නෙ රැහැයියන්ගේ සද්දෙ අස්සෙන්.. මම ඇස් පියාගත්තෙ බස්ස කෑ ගහන පැත්ත හොයාගන්න... ආයි අහලා බලනවා... එතකොටවත් කැමති වෙයි... මම බස්සගෙ හඩට කන්දුන්නෙ එහෙම හිතාගෙන....

Comments

Anonymous said…
පම්බල පැත්තේ කරක් ගහලා තියෙන්නේ නම් එච්චර හොඳකට නෙමෙයි.. :D

හලාවත කියන්නේ මම තදින්ම ඇළුම් කරන ස්ථ්නයක්. විශේෂයෙන් හවස් වරුවේ හලාවත තානයමට ඉදිරිපිට තිබෙන මුහුදු වෙරලේ කරන පාපන්දු ක්‍රීඩාව පාසල් කාලයේ මතකයන් බොහොමයක් අවදි කරනවා.. ඒ වගේම ශාන්ත මරියා විදුහල...

ජය
@ nxripper

හා හා.. ඔයාගේ ගම් පලාත නේද? :)
බොහොම සතුටක් පම්බල ගිය තව කෙනෙක් ඉන්නවා කියන එක... මම පෙන්නුවෙ පම්බල සුන්දරත්වය... තව පම්බල සැගවුන පැත්තකුත් තියෙනවා...
SweetuPooh said…
ඔව් ඔව් කියලා තියෙන ඒවයින් හිතා ගත්තහැකි, තවත් පැත්තකුත් පම්බල පැත්තෙ තියෙනවා කියලා... දැන් ඉතින් ආපහු පාරක්‌ අහලා බැලුවද.. :D :D
දැන් ගොඩ ගිහින් මාස 9ක්... මෙක මගේ දිනපොතෙ ලියලා තිබුනේ...
SweetuPooh said…
ahh ehemada.... :D congratz lu ehenam! :D
Anonymous said…
do you like to write travel notes for a magazine ? its not yet started we are still on planing stage. its in english. better if you can write in english or else we can translate. sorry to comment like this but didnt find any other way to contact. please mail me at mihisara@gmail.com

වැඩිපුර බලපු..

වඳුරන්ගේ රට.

ඒ අනාගතය කියලා පටන්ගත්තොත් අනාගතය කොයි වගේ එකක්ද කියල අපේ හිත්වල තියෙන පින්තූරයට මේක ටිකක් සමාන වෙලා පෙනෙන්න පුළුවන්. ඒ පින්තූරය හදලා තියෙන්නේ වැඩිපුරම පොත්වලින් සහ චිත්‍රපටිවලින් කියලා කිව්වොත් වැරැද්දක් නෑ. කවුරුහරි මේක Planet of the Apes වගේ කතාවක් කියලා කිව්වොත් ඒකෙ ඇති වැරැද්දකුත් නෑ හරියකුත් නෑ.

අපි ඒ ග්‍රහලෝකයට මැඩේෂියාව කියලා කියමු. මැඩේෂියාව භූ පිහිටීම අතින් ගත්තොත් තනි මහද්වීපයකින් සමන්විත විවිධ ජනවර්ග වලින් සමන්විත වුන රටක්. එක අතකින් මැඩේෂියාව සිංගප්පූරුවට සමානයි. 

මේක අතීතය, අනාගතය, වර්තමානය යන තුන්කාලයෙන් ඕනිම කාලයක සිදුවෙන්න පුළුවන් සිදුනොවෙන්නත් පුළුවන් සිදුවීමක්. හෝමෝ නියර්ඩල්තාල්ගෙන් හෝමෝ ඉරෙක්ටස්ට පරිණාමය වුනේ වඳුරා වුනාට හෝමෝ ඉරෙක්ටස්ගෙන් හෝමෝ එක්සලන්ස් වෙන්නේ ඔය වඳුරාද කියන ගැටළුවත් එක්ක අපි කතාව පටන්ගමු. මෙන්න මේ හේතුව නිසා තමා මැඩේෂියාව තුල මැඩේෂියාවේ පූර්වජයා ලෙස ඉගැන්වෙන චිම්පන්සියාව දේවත්වයෙන් සලකන්නේ.



මැඩේෂියාව මූලිකව ද්වී ආගමික රටක්. චිම්පන්සියුස් නමින් හැඳින්වෙන මූලික ආගම නිර්මාණය වෙලා තියෙන්නේ මැඩේෂියාවන් පැවත එන්නේ චිම්පන්සින්ගෙන් කියන හරය පදනම් කරගෙන…

ගබ්සාව..

සුජ්ජා අවසාන වතාවට මට හමුවෙන විට ඌ හිටියේ පෝරු මස්තකාරූඩවය. ඉන්පසුව මට වුවමනාවක් නැතිකම හෝ වැඩවැඩිකම හෝ ඌ අතුරුදහන් වීම හෝ වෙන කිසියම් කරුණක් නිසා මට ඌ හමුවුනේ නැත. කෙසේවෙතත් මම විශ්වවිද්‍යාලයට යන කාලේ ඌ මගේ රූමා යන්න වග මට මතකය.

           සුජ්ජා සුන්දර මනුස්සයෙකි. ඒ ඌ කිසිම දෙයක් පිලිඹඳ ඕනාවට වඩා නොසිතන නිසා යැයි මම සිතමි. ඒ අවුරුදු හතර තුල සුජ්ජා මගේ හොඳම මිතුරන් කිහිප දෙනාගෙන් එකෙකු වීමට එයම හේතුවුනා යැයි මම සිතමි. ඒ කවරකටත් වඩා සුජ්ජා මට මතක හිටින්නේ වෙන හේතුවක් නිසා කිව්වොත් ඒ බොරුවක් නොවේ.

ලතා..
සුජ්ජා ලතා සමග හාද වෙනකොට විශ්වවිද්‍යාලෙට ගිහින් මාසයක්වත් නැතුව ඇති. පෞද්ගලික ආයතනයක අයි ටී උගන්නපු ලතා සුජ්ජා එක්ක යාළුවුනේ සුජ්ජාගේ තිබුන යම් ගුණයක් නිසා වෙන්න පුළුවන්. කෙසේවෙතත් හැමඑකටම හිනාවෙන්න පුළුවන් සුජ්ජාත් එක්ක යාළුවුන ලතා වාසනාවන්තයි කියලා මට නම් මේ දැනුත් හිතෙනවා. කොහොමත් මේ සම්බන්ධයට මාස හයක් විතර යද්දි සුජ්ජායි මගෙයි අතර සම්බන්ධතාවය හරිම යාන්ත්‍රික වෙලා තිබුනේ, ඒක සමහරවිට පුරුද්දට වගේ සතියකට ගිහින් ගහන ගල්බාගෙකට, හවසට කම්මැලිකම යන්න ගහපු සිගරට් එකකට සීම…

රේවත

වර්ෂය 1992 වන්නට ඇත. විශ්වවිද්‍යාලයෙන් ඉවත්වී ගුරු ජීවිතය පටන්ගත්තු අළුතම හත්දාමගුල හත් මාසයක් යන්න කලින් අහවර වුන නිසා මගේ හිත හදාගන්න කියලා මමම රාගල පඥ්ඥාසේකර විද්‍යාලයට සාමාන්‍ය පෙල ගණිතය උගන්වන්න ගියා. විරහ දුක හරි දිවිනසාගන්න හිතෙන තරම් පාළුව හරි වෙන මොකක් හරි එකක් මගේ හිතේ කොනක ඇරෙන්න වෙන කොහෙවත් නොතිබුනාට මම රාගල මාරුවට කැමැත්තෙන්ම ගියේ මට වටෙන් පිටෙන් ඉමෝෂනල් වෙන්න තියෙන හේතුවලින් පැනලා යන්න කියලා කිව්වොත් සෑහෙන්න හරි. ඊට අමතරව රාගල මීදුමත් සීතලයත් මදි පාඩුවට තිබුනා.



පඥ්ඥාසේකර විද්‍යාලය රාගල තිබුන ලොකු ඉස්කෝලයක් වුනාට පොඩි ස්කෝලයක්. ගෑනියෙක්ට වඩා සීතලට ආදරේ කරන මිනිහෙක් වුන මම ඇරෙන්න ඒ ඉස්කෝලෙට කැමැත්තෙන් ගිහින් තිබුනේ දණිස්සාගම රේවත හාමුදුරුවෝ. පෙනුමෙන් දිඹුලාගල හාමුදුරුවෝ වගේ වුනාට මට වඩා අවුරුදු පහක් විතර වැඩිමල් වුනාට රේවත හාමුදුරුවන්ගේ රැවුල පැහිලා තිබුනේ නෑ. ඉඳලා හිටලා මරන මදුරුවෙක් ඇරුනාම සිල්වත්කමිනුත් එච්චර අඩුවක් හාමුදුරුවන්ගේ තිබුනේ නෑ.

හාමුදුරුවන් රාගල ගමේ ප්‍රසිද්ද වෙලා තිබුනේ ගමේ තරුණ සමිතිය නිසා කිව්වොත් වරදක් නෑ. කැත්තේ උදැල්ලේ වැඩ පුරුදු වුනත් පසුකාලීන් සරීරයට…