Skip to main content

Posts

Showing posts from January, 2010

අපි අපිමයි...

දෙකයි පනහට මැරෙන එවුන් අතරෙ
හම්බවුන රුපියල් පහත් නැතිකරගෙන
උඹලා මාත් එක්ක හිටියා....

වල් ඌරන් කැකුණ තලනකොට
හබන් කුකුලන්ට වෙඩිතියන්න
උඹලා මාත් එක්ක එකතු වුනා..

ඒ මලගිය යටගියාවේ පාංශුකූලය
දෙන්න කලින්...
මම උඹල‍ට ස්තූති කරන්නම්...

එකට කාලා , බීලා එකට ආතල් දාලා
එකට මලපැනපු... එකට මල කාපු...
සහෝදරයින්ට....

උඹල මාර මිනිස්සු බං.......

සයිබර් බොරුව

අපේ ලෝකය ,
උන්ගෙ මොනිටරය...

අපේ සංවාද ,
උන්ගෙ පෝරම...

අපි පිසිකල් ,
උන් වර්චුවල්...

අපේ වාහෙ ,
උන්ගෙ ලැප...

අපි මර්දනය වෙද්දි ,
උන් ස්පෑම් වෙනවා...

අපි හමුවෙනකොට ,
උන් චැට් කරනවා...

අපි බදාගන්නකොට ,
උන් පෝකින්...

අන්තිමට බලද්දි...

අපි විස්සයි ,
උන් තුන්දෙනයි...

නිවාඩු අ‍වලංගුය.. වහාම සේවයට වාර්තා කරන්න

අහෝ කාලය..
නුඹ තනිව පලයන්
මට ඉන්නට දීපන්
ආදරයක්, තාරුණ්‍යයක්,
මම එනතුරු බලා සිටී...
අහෝ කාලය..
එලි වන්න‍ට නොදී
හිරු නවත්තාපන්..
කාලය කාලය..
ඇගේ රාත්‍රිය හුදකලා කර
ඇගේ කඳුළු මතින්..
යන‍වානම් කියාපන්..
කුරිරු වූ හැටි නුඹ
කාලය...