Skip to main content

සුප්‍රබුද්ධ වික්ටර්

අටේ පන්තියේදී..
මම අපේ ලොවක් සොයා ගියෙමි...
ඒත් වික්ටර් වික්ටර්ම විය......

සාමාන්‍යපෙළ කරන වි‍ට..
මම දෙව්රම් වෙහෙරේ නාමලක්ව මියගියෙමි...
ඒත් වික්ටර් ‍වික්ටර්ම විය....

උසස් පෙල අවසන් වන විට..
මම පාවෙන වලාවක තනිතරුව වෙත යාත්‍රා කලෙමි...
ඒත් වික්ටර් ‍වික්ටර්ම විය....

සරසවිය ඇරඹුනි...
මම පෙම්බර මධූ සමග දෛවයේ සරදම් ලැබුවෙමි..
ඒත් වික්ටර් ‍වික්ටර්ම විය....

අද මම විශ්වවිද්‍යාලයෙන් පිටවී යමි..
අපි ඔක්කම රජවරුය...
ඒත් වික්ටර් ‍වික්ටර්මය....

Comments

Anonymous said…
උඹට සහෘදයා කියල කියන්න වටින්නෙ මේ වගෙ පෝස්ට් දාන නිසාය.
Raven said…
නියමයි සහෝදරයා.
Anonymous said…
පට්ට
h said…
උඹල අපි ඉතිං කවද හරි කසාදත් බැඳල, ළමයිනුත් හදල වයසට ගිහින් මැරෙනකල්ම වික්ටර් වෙනස් වෙන එකක් නෑ නේද මචෝ...
එළ.. .උඹයි එහෙනං මූලාරම්භය දුන්නේ!
සිරාම සිරා!
විශිෂ්ටයි සහෝදරයා
malee_msg said…
වා.. ව්.. ඒක්සලන්ට්..!!!

අපි ආයෙමත් හමු වෙන දවස් ගැන කැලැන්ඩර් වල පිටු පෙරල පෙරල නිවාඩු දවස් හොයද්දි.. අපිට ඇතින් ඉදන් වික්ටර් හදපානේ අත්පටලා යමු ආයේ කියද්දි ඇතිවෙන හැගීම දෙන්න පුලුවන් වික්ටර්ටම විතරයි.!
සචී said…
එහෙනම් වචනය වචනයට සීමා නොකර පටන් ගත්තා නේද වැඩේ? අපූරුයි.
sajee said…
This comment has been removed by a blog administrator.
sajee said…
This comment has been removed by a blog administrator.
ඉහත සජී නමින් තිබූ ‍කමෙන්ට් දෙක ඉවත් කලා. ඒක මෙතන කියල වැඩක් නෑ.. තරහා වෙන්න එපා ඇත්තටම වික්ටර් යුග එකතු කරපු ගායකයෙක්..
වික්ටර් රාමුවකට කොටු නොවුනු ගායකයෙක් තාම වික්ටර් ජීවමාන ඒක නිසා වෙන්න ඇති..
මගේ ප්‍රියතම ගායකයෙක් තමා වික්ටර් මහත්තයා.
අද පායන තරු වගේ නෙමෙයි,
හැමදාම අහසේ දිලිසි දිලිසි තියෙනවා කල්ප ගනනාවක්.

/බිඟුවා...!
Anonymous said…
පෙම්බර මධූ නම් මටත් අදාලයි
yasith miuranga said…
මමත් ආසම ගායකයෙක්
මටත්
පෙම්බර මධූ නම් අදාලයි
Anonymous said…
බැලුවහම පෙම්බර මධු ගොඩක් දෙනෙක්ට අදාලයිනෙ...
ඒකනෙ කලාකරුවන්ට සහෘදයන් කියන්නෙ. බැලුවහම ගොඩක් අය සහෘදයො තමයි. එයාල අපට ගොඩක් සංවේදීනෙ. වාසනාවකට මේ වගෙ ගායකගො ගායකයොම වීම වඩා වැදගත් කාරණයක්.
ඒ කොහොම උණත් පෙම්බර මධූ මගේ මා නැතේ ඔබෙන් මිදුනේ............
නිදහස said…
සරලයි. ලස්සනයි. එළ මචං :)
ස්තූතිය හැමෝටම...
අනිවා හරේ අපි මැරුණත් වික්ටර් ජීවමානව ඉඳී.
උඹ වැඩේට අත්පොත තිබ්බා නේද?

මෙච්චර කලින් මේක ලියපු එකෙන්ම පේනවා උඹ කොච්චර ඒක ගැන හිතුවද කියලා.

මැක්සා
වික්ටර් මම කැමතිම ගායකයෙක්. ඒකත් එක හේතුවක් කිව්වොත් හරි.
දුකා said…
ane machan, samaweyan . .
mama meka dakke nahane . . ehenam uba aarambhaya dunna . . .
rachiya th 1k damma . . .mamth ekak damma . . .
hashitha kaalekata kalin ekak liwwa . . ..

ela ela machan . ..

වැඩිපුර බලපු..

වඳුරන්ගේ රට.

ඒ අනාගතය කියලා පටන්ගත්තොත් අනාගතය කොයි වගේ එකක්ද කියල අපේ හිත්වල තියෙන පින්තූරයට මේක ටිකක් සමාන වෙලා පෙනෙන්න පුළුවන්. ඒ පින්තූරය හදලා තියෙන්නේ වැඩිපුරම පොත්වලින් සහ චිත්‍රපටිවලින් කියලා කිව්වොත් වැරැද්දක් නෑ. කවුරුහරි මේක Planet of the Apes වගේ කතාවක් කියලා කිව්වොත් ඒකෙ ඇති වැරැද්දකුත් නෑ හරියකුත් නෑ.

අපි ඒ ග්‍රහලෝකයට මැඩේෂියාව කියලා කියමු. මැඩේෂියාව භූ පිහිටීම අතින් ගත්තොත් තනි මහද්වීපයකින් සමන්විත විවිධ ජනවර්ග වලින් සමන්විත වුන රටක්. එක අතකින් මැඩේෂියාව සිංගප්පූරුවට සමානයි. 

මේක අතීතය, අනාගතය, වර්තමානය යන තුන්කාලයෙන් ඕනිම කාලයක සිදුවෙන්න පුළුවන් සිදුනොවෙන්නත් පුළුවන් සිදුවීමක්. හෝමෝ නියර්ඩල්තාල්ගෙන් හෝමෝ ඉරෙක්ටස්ට පරිණාමය වුනේ වඳුරා වුනාට හෝමෝ ඉරෙක්ටස්ගෙන් හෝමෝ එක්සලන්ස් වෙන්නේ ඔය වඳුරාද කියන ගැටළුවත් එක්ක අපි කතාව පටන්ගමු. මෙන්න මේ හේතුව නිසා තමා මැඩේෂියාව තුල මැඩේෂියාවේ පූර්වජයා ලෙස ඉගැන්වෙන චිම්පන්සියාව දේවත්වයෙන් සලකන්නේ.



මැඩේෂියාව මූලිකව ද්වී ආගමික රටක්. චිම්පන්සියුස් නමින් හැඳින්වෙන මූලික ආගම නිර්මාණය වෙලා තියෙන්නේ මැඩේෂියාවන් පැවත එන්නේ චිම්පන්සින්ගෙන් කියන හරය පදනම් කරගෙන…

ගබ්සාව..

සුජ්ජා අවසාන වතාවට මට හමුවෙන විට ඌ හිටියේ පෝරු මස්තකාරූඩවය. ඉන්පසුව මට වුවමනාවක් නැතිකම හෝ වැඩවැඩිකම හෝ ඌ අතුරුදහන් වීම හෝ වෙන කිසියම් කරුණක් නිසා මට ඌ හමුවුනේ නැත. කෙසේවෙතත් මම විශ්වවිද්‍යාලයට යන කාලේ ඌ මගේ රූමා යන්න වග මට මතකය.

           සුජ්ජා සුන්දර මනුස්සයෙකි. ඒ ඌ කිසිම දෙයක් පිලිඹඳ ඕනාවට වඩා නොසිතන නිසා යැයි මම සිතමි. ඒ අවුරුදු හතර තුල සුජ්ජා මගේ හොඳම මිතුරන් කිහිප දෙනාගෙන් එකෙකු වීමට එයම හේතුවුනා යැයි මම සිතමි. ඒ කවරකටත් වඩා සුජ්ජා මට මතක හිටින්නේ වෙන හේතුවක් නිසා කිව්වොත් ඒ බොරුවක් නොවේ.

ලතා..
සුජ්ජා ලතා සමග හාද වෙනකොට විශ්වවිද්‍යාලෙට ගිහින් මාසයක්වත් නැතුව ඇති. පෞද්ගලික ආයතනයක අයි ටී උගන්නපු ලතා සුජ්ජා එක්ක යාළුවුනේ සුජ්ජාගේ තිබුන යම් ගුණයක් නිසා වෙන්න පුළුවන්. කෙසේවෙතත් හැමඑකටම හිනාවෙන්න පුළුවන් සුජ්ජාත් එක්ක යාළුවුන ලතා වාසනාවන්තයි කියලා මට නම් මේ දැනුත් හිතෙනවා. කොහොමත් මේ සම්බන්ධයට මාස හයක් විතර යද්දි සුජ්ජායි මගෙයි අතර සම්බන්ධතාවය හරිම යාන්ත්‍රික වෙලා තිබුනේ, ඒක සමහරවිට පුරුද්දට වගේ සතියකට ගිහින් ගහන ගල්බාගෙකට, හවසට කම්මැලිකම යන්න ගහපු සිගරට් එකකට සීම…

රේවත

වර්ෂය 1992 වන්නට ඇත. විශ්වවිද්‍යාලයෙන් ඉවත්වී ගුරු ජීවිතය පටන්ගත්තු අළුතම හත්දාමගුල හත් මාසයක් යන්න කලින් අහවර වුන නිසා මගේ හිත හදාගන්න කියලා මමම රාගල පඥ්ඥාසේකර විද්‍යාලයට සාමාන්‍ය පෙල ගණිතය උගන්වන්න ගියා. විරහ දුක හරි දිවිනසාගන්න හිතෙන තරම් පාළුව හරි වෙන මොකක් හරි එකක් මගේ හිතේ කොනක ඇරෙන්න වෙන කොහෙවත් නොතිබුනාට මම රාගල මාරුවට කැමැත්තෙන්ම ගියේ මට වටෙන් පිටෙන් ඉමෝෂනල් වෙන්න තියෙන හේතුවලින් පැනලා යන්න කියලා කිව්වොත් සෑහෙන්න හරි. ඊට අමතරව රාගල මීදුමත් සීතලයත් මදි පාඩුවට තිබුනා.



පඥ්ඥාසේකර විද්‍යාලය රාගල තිබුන ලොකු ඉස්කෝලයක් වුනාට පොඩි ස්කෝලයක්. ගෑනියෙක්ට වඩා සීතලට ආදරේ කරන මිනිහෙක් වුන මම ඇරෙන්න ඒ ඉස්කෝලෙට කැමැත්තෙන් ගිහින් තිබුනේ දණිස්සාගම රේවත හාමුදුරුවෝ. පෙනුමෙන් දිඹුලාගල හාමුදුරුවෝ වගේ වුනාට මට වඩා අවුරුදු පහක් විතර වැඩිමල් වුනාට රේවත හාමුදුරුවන්ගේ රැවුල පැහිලා තිබුනේ නෑ. ඉඳලා හිටලා මරන මදුරුවෙක් ඇරුනාම සිල්වත්කමිනුත් එච්චර අඩුවක් හාමුදුරුවන්ගේ තිබුනේ නෑ.

හාමුදුරුවන් රාගල ගමේ ප්‍රසිද්ද වෙලා තිබුනේ ගමේ තරුණ සමිතිය නිසා කිව්වොත් වරදක් නෑ. කැත්තේ උදැල්ලේ වැඩ පුරුදු වුනත් පසුකාලීන් සරීරයට…