Skip to main content

දෑවුරුද්ද

හෙටක් ගැන නොහිතා අද වියදම් කරනවා කියලා හැම සතියකම මට බනින්න ඇති. යාළුවොත් එක්ක සෙට්වෙලා ආතල් දදා ඉන්නව කියලා මිසක් වෙන වැඩක් නෑ කියලා මට අනන්තවත් කෑ ගහලා ඇති. පාඩම් කරන්නෙ නැතුව පිස්සු කෙලිනවා කියලා මට අනන්තවත් නෝක්කාඩු කියලා ඇති. තරහවුනාම මූණ ඇඹුල් කරගෙන මාත් එක්ක කතා නොකර ඉන්න ඇති. ඉඳලා හිටලවත් බොන්න එපා කියලා අඞලා ඇති දොඩලා ඇති. 

ඒත්.............

මම බොරුව දාන්න ඇති.
ජිල්මාට් දාන්න ඇති.
සමහර විට බනින්නත් ඇති.
ඊට වඩා උඹ මට ආදරය දෙන්නත් ඇති.
ඒකමට හරියට තේරෙන්නත් ‍නැතුව ඇති.

"මහවරුසාවට පසුව නැගෙන සඳ
වෙනදාටත් වැඩියෙ‍න් එළියයි
නෝක්කාඩුවට පසුව ඔබේ වත 
ඒ එළියට වැඩියෙන් එළියයි"

මේ අවුරුදු දෙක මට මගේ ජීවිතේටම ඇති.
සමහරවිට පහුගිය ආත්ම හතෙත් ලැබෙන්න නැතුව ඇති.

ප්‍රථම ප්‍රේමයට අවුරුදු දෙකයි.....
තුත්තිරි ගහ දැන් පඳුරක් වෙලා.....

ජය ශ්‍රී ..... !

Comments

said…
මෙන්න පඳුරට අපෙන් සුභ පැතුම වතුර බිඳක්
චියර්ස්!!!!!
මෙන්න මගෙන් මී පැණි බින්දුවක්...

ගොඩාක් දෙන්නනම් බෑ ඔන්න


/බිඟුවා...!
ස්තූතියි මචංලා...
මගෙනුත් උණුසුම් සුභ පැතුම්!!


/නොදරුවා.....!
අවුරුදු ගාණකට සුබ පැතුම්!!!

/පිටස්තරයා...!
ස්තූතියි...!

/ආගන්තුකයා...!
Anonymous said…
අප්පේ.. සතුටුයි බං..
තව අවුරුදු බර ගානක්ම එකටම ඉන්න ලැබෙන්න, පිස්සු කෙලින්න ලැබෙන්න කියලා මං ප්‍රාර්ථනා කරනවා ඔන්න...
දසයා said…
ප්‍රථම පෙම අවසන් පෙමම වී සොඳුරු කැදැල්ලක කූඩුවෙන්න ලැබෙන්න කියා මමත් මුළු හදින්ම පතනවා.
Raven said…
මගෙනුත් උණුසුම් සුබපැතුම් මචෝ!
ආපු වසන්තය
දෝතින්ම තුරුලු කරගෙන
ජීවිතේ පුරාවටම
සෙනෙහස දෝරේගලා
ඔබ දෙදෙනාගේ හදවත්
එක් වෙන්නයි
අපේ පැතුම
ආගන්තුකයාටත් දම්මිනීටත් මගෙන් සුභ පැතුම් මල් මිටක්....!!!
LishWish said…
මෙන්න මගෙනුත් සුභ ම සුභක්. හැබැයි.........,
/ලිශ්විශ්...!
kasun | said…
සුභ පැතුම් !!, මචං
:)
දුකා said…
අම්මෝ. උඹ පව් බං. අවුරුදු දෙකක් මොන දුකක් විඳින්න ඇද්ද. හික් හික්. මොනා වුනත් දෙහ්නටම මගෙන් සුභ පැතුම් . . !
සරසවියේ ඉන්නකම් විතරක් නෙමෙයි සැරයටියෙන් යනෙන කම්ම . . මැරනකම්ම ගහ මරා(නො)ගෙන ජොලියෙන් ඉන්න ලැබේවා . . .

/දුකා . . . !
සුභම සුභ පැතුම් මචන්!!!
hashan said…
උඹගේ අවුරුදු දෙකේ කුළුදුල් පේ‍්‍රමයට හද පතුලෙන්ම අඩව්වේ අපෙන් සුභ පැතුම්. ඔය කවිකාර හිතට අපි ගොඩක් ආසයි. එ් වගේම ඔය ආදරෙත් ලස්සන වෙන්න කියලා සුභ පතනවා.
h said…
ෂා නියමයි... දෙන්නටම සුභපැතුම් ග‍ඟේ ගහගෙන නොයා ජීවිතේ විවිධ පැති වල සැරිසරන්න ලැබේවා...
සුභම සුභ පැතුම් මචන්
සචී said…
මෙන්න අපෙනුත්
සුබ ම සුබ පැතුම්....!!

/සචී...!
ස්තූති වේවා.. සියළු දෙනාට..
'සුළග' said…
ඔන්න මගෙනුත්...
සුළ0 පොදක්...
සුභ පැතුම්!!

වැඩිපුර බලපු..

වඳුරන්ගේ රට.

ඒ අනාගතය කියලා පටන්ගත්තොත් අනාගතය කොයි වගේ එකක්ද කියල අපේ හිත්වල තියෙන පින්තූරයට මේක ටිකක් සමාන වෙලා පෙනෙන්න පුළුවන්. ඒ පින්තූරය හදලා තියෙන්නේ වැඩිපුරම පොත්වලින් සහ චිත්‍රපටිවලින් කියලා කිව්වොත් වැරැද්දක් නෑ. කවුරුහරි මේක Planet of the Apes වගේ කතාවක් කියලා කිව්වොත් ඒකෙ ඇති වැරැද්දකුත් නෑ හරියකුත් නෑ.

අපි ඒ ග්‍රහලෝකයට මැඩේෂියාව කියලා කියමු. මැඩේෂියාව භූ පිහිටීම අතින් ගත්තොත් තනි මහද්වීපයකින් සමන්විත විවිධ ජනවර්ග වලින් සමන්විත වුන රටක්. එක අතකින් මැඩේෂියාව සිංගප්පූරුවට සමානයි. 

මේක අතීතය, අනාගතය, වර්තමානය යන තුන්කාලයෙන් ඕනිම කාලයක සිදුවෙන්න පුළුවන් සිදුනොවෙන්නත් පුළුවන් සිදුවීමක්. හෝමෝ නියර්ඩල්තාල්ගෙන් හෝමෝ ඉරෙක්ටස්ට පරිණාමය වුනේ වඳුරා වුනාට හෝමෝ ඉරෙක්ටස්ගෙන් හෝමෝ එක්සලන්ස් වෙන්නේ ඔය වඳුරාද කියන ගැටළුවත් එක්ක අපි කතාව පටන්ගමු. මෙන්න මේ හේතුව නිසා තමා මැඩේෂියාව තුල මැඩේෂියාවේ පූර්වජයා ලෙස ඉගැන්වෙන චිම්පන්සියාව දේවත්වයෙන් සලකන්නේ.



මැඩේෂියාව මූලිකව ද්වී ආගමික රටක්. චිම්පන්සියුස් නමින් හැඳින්වෙන මූලික ආගම නිර්මාණය වෙලා තියෙන්නේ මැඩේෂියාවන් පැවත එන්නේ චිම්පන්සින්ගෙන් කියන හරය පදනම් කරගෙන…

ගබ්සාව..

සුජ්ජා අවසාන වතාවට මට හමුවෙන විට ඌ හිටියේ පෝරු මස්තකාරූඩවය. ඉන්පසුව මට වුවමනාවක් නැතිකම හෝ වැඩවැඩිකම හෝ ඌ අතුරුදහන් වීම හෝ වෙන කිසියම් කරුණක් නිසා මට ඌ හමුවුනේ නැත. කෙසේවෙතත් මම විශ්වවිද්‍යාලයට යන කාලේ ඌ මගේ රූමා යන්න වග මට මතකය.

           සුජ්ජා සුන්දර මනුස්සයෙකි. ඒ ඌ කිසිම දෙයක් පිලිඹඳ ඕනාවට වඩා නොසිතන නිසා යැයි මම සිතමි. ඒ අවුරුදු හතර තුල සුජ්ජා මගේ හොඳම මිතුරන් කිහිප දෙනාගෙන් එකෙකු වීමට එයම හේතුවුනා යැයි මම සිතමි. ඒ කවරකටත් වඩා සුජ්ජා මට මතක හිටින්නේ වෙන හේතුවක් නිසා කිව්වොත් ඒ බොරුවක් නොවේ.

ලතා..
සුජ්ජා ලතා සමග හාද වෙනකොට විශ්වවිද්‍යාලෙට ගිහින් මාසයක්වත් නැතුව ඇති. පෞද්ගලික ආයතනයක අයි ටී උගන්නපු ලතා සුජ්ජා එක්ක යාළුවුනේ සුජ්ජාගේ තිබුන යම් ගුණයක් නිසා වෙන්න පුළුවන්. කෙසේවෙතත් හැමඑකටම හිනාවෙන්න පුළුවන් සුජ්ජාත් එක්ක යාළුවුන ලතා වාසනාවන්තයි කියලා මට නම් මේ දැනුත් හිතෙනවා. කොහොමත් මේ සම්බන්ධයට මාස හයක් විතර යද්දි සුජ්ජායි මගෙයි අතර සම්බන්ධතාවය හරිම යාන්ත්‍රික වෙලා තිබුනේ, ඒක සමහරවිට පුරුද්දට වගේ සතියකට ගිහින් ගහන ගල්බාගෙකට, හවසට කම්මැලිකම යන්න ගහපු සිගරට් එකකට සීම…

රේවත

වර්ෂය 1992 වන්නට ඇත. විශ්වවිද්‍යාලයෙන් ඉවත්වී ගුරු ජීවිතය පටන්ගත්තු අළුතම හත්දාමගුල හත් මාසයක් යන්න කලින් අහවර වුන නිසා මගේ හිත හදාගන්න කියලා මමම රාගල පඥ්ඥාසේකර විද්‍යාලයට සාමාන්‍ය පෙල ගණිතය උගන්වන්න ගියා. විරහ දුක හරි දිවිනසාගන්න හිතෙන තරම් පාළුව හරි වෙන මොකක් හරි එකක් මගේ හිතේ කොනක ඇරෙන්න වෙන කොහෙවත් නොතිබුනාට මම රාගල මාරුවට කැමැත්තෙන්ම ගියේ මට වටෙන් පිටෙන් ඉමෝෂනල් වෙන්න තියෙන හේතුවලින් පැනලා යන්න කියලා කිව්වොත් සෑහෙන්න හරි. ඊට අමතරව රාගල මීදුමත් සීතලයත් මදි පාඩුවට තිබුනා.



පඥ්ඥාසේකර විද්‍යාලය රාගල තිබුන ලොකු ඉස්කෝලයක් වුනාට පොඩි ස්කෝලයක්. ගෑනියෙක්ට වඩා සීතලට ආදරේ කරන මිනිහෙක් වුන මම ඇරෙන්න ඒ ඉස්කෝලෙට කැමැත්තෙන් ගිහින් තිබුනේ දණිස්සාගම රේවත හාමුදුරුවෝ. පෙනුමෙන් දිඹුලාගල හාමුදුරුවෝ වගේ වුනාට මට වඩා අවුරුදු පහක් විතර වැඩිමල් වුනාට රේවත හාමුදුරුවන්ගේ රැවුල පැහිලා තිබුනේ නෑ. ඉඳලා හිටලා මරන මදුරුවෙක් ඇරුනාම සිල්වත්කමිනුත් එච්චර අඩුවක් හාමුදුරුවන්ගේ තිබුනේ නෑ.

හාමුදුරුවන් රාගල ගමේ ප්‍රසිද්ද වෙලා තිබුනේ ගමේ තරුණ සමිතිය නිසා කිව්වොත් වරදක් නෑ. කැත්තේ උදැල්ලේ වැඩ පුරුදු වුනත් පසුකාලීන් සරීරයට…