Skip to main content

බ්ලොග් .... බ්ලොග්...

බ්ලොග් .... බ්ලොග්...
අපි බ්ලොග් ලියන්නේ සිංහලෙන් ...
අපිට වෙනම සිංහල බ්ලොග්කරුවන්ගේ සංගමයක් තියෙනවා...
බ්ලොග් කියන ඉංග්‍රිසි වචනෙට ඇත්තටම සිංහල හොඳ තෙරුමක් නැද්ද...
නැත්නම් තවදුරටත් බ්ලොග් කියලම ලියනවද... ?
මංදා මට නම් මේ ඉංග්‍රීසි වචනේ සිංහලෙන් ලියලා එපාවෙලා....
අපි ඔක්කම සිංහල දන්න එකේ කට්ටියම එකතුවෙලා සිංහල නමක් යෝජනා කරමුද...

Comments

ඔන්න පලවෙනි යෝජනාව මගෙන්.... මගේ යෝජනාව " සටහුව "
said…
හොඳ අදහස. මාත් මේ කීප දවසක්ම හිත හිත හිටියේ. ඔක්කොම සිංහල, බ්ලොග් විතරක් නැහැ. එකටත් මොනා හරි කරන්න එක හොඳා.

බාගයක් තිබ්බනම් හොඳ එකක් මේ දැන් කියන්න තිබ්බ.
malee_msg said…
ඒකත් හොද අදහසක් ඒත් මේ වෙලාවේ වචනයක් ඔළුවට එන්නේ නෑ. ගෙදර යන ගමන් කල්පනා කරලා බලන්නනම්
කුරුටු බලි
අන්තර් බලි
සටහුව කියන්නේ Recorder එකට නේද? Tape Recorder එකට පටි සටහුව කියනව වගේ මතකයි. ඒ සංවාදයේ තියෙන හැටියට නම් දැනටමත් බ්ලොග් කියන එක සිංහල. භාෂාවට අලුත් වචනයක් එකතු වුණා ම ඒක ස්ථිරව සටහන් වන රාජ්‍ය නාමාවලියක් වගේ මොකක් හරි තියෙනවද?
පහන් said…
මම දැක්ක සමහරු ඕකට "වියුණ" කියල තියෙනවා
පහන් said…
සමාවෙන්න මට පොඩ්ඩක් වැරදුනා වගේ වියුණ කියන්නේ වෙබ් අඩවියකටනේ
malee_msg said…
තාම නමක් හරිගියේ නැතෙයි?
ආනේ මේ දාන නමක් සරළව කියන්න පුළුවන් එකක් වෙන තරමට හොදයි නේද? බ්ලොග් කියන ව‍චනේ ‍වගේ ටක් ගාලා කියන්න ලියන්න මතක තියාගන්න පුළුවන් නමක් ?????
ඇත්ත ත‍‍මා... ‍සරල වුනොත් දි‍ව ‍උලුක් කර ගන්නේ නැතුව කියා ගන්න පුලුවන්.. කසුන් කියන කතාව හරිතත්සම පදය සිංහල ආරට හදා ගත්තාම ඒක සිංහල පදයක් ලෙස භාවිත කරන්න පුලුවන්... මට මතකයි "කබඩ්" එකට නේවසිකාගාරයේ කිව්වේ "ගඩිබිත්ත" කියලා... තව තව සිංහල වචන තියෙනවා ඒවා ප්‍රසිද්දියේ කියන එක හොඳ මදි......
said…
ඔව්, ඔව්
Blog
Blogger
Blog Post
ඔය තුනටම ගැලපෙන්න වචන හදන්න පුළුවන් වෙන්න ඔනෙ ඔය නමෙන්. නැත්නම් අපිව හඳුන්වන්න නමක් නැති වෙනව.

බලි කියලා දැම්මොත් අපි බලි කාරයො වෙන්වා.Blog Post එක බලි අරිනවා වෙනවානේ
said…
කාලෙකින් දැක්කේ නැහැ. අළුත් අවුරුද්දේ කාර්ය බහුලයි වගේ.

වැඩිපුර බලපු..

වඳුරන්ගේ රට.

ඒ අනාගතය කියලා පටන්ගත්තොත් අනාගතය කොයි වගේ එකක්ද කියල අපේ හිත්වල තියෙන පින්තූරයට මේක ටිකක් සමාන වෙලා පෙනෙන්න පුළුවන්. ඒ පින්තූරය හදලා තියෙන්නේ වැඩිපුරම පොත්වලින් සහ චිත්‍රපටිවලින් කියලා කිව්වොත් වැරැද්දක් නෑ. කවුරුහරි මේක Planet of the Apes වගේ කතාවක් කියලා කිව්වොත් ඒකෙ ඇති වැරැද්දකුත් නෑ හරියකුත් නෑ.

අපි ඒ ග්‍රහලෝකයට මැඩේෂියාව කියලා කියමු. මැඩේෂියාව භූ පිහිටීම අතින් ගත්තොත් තනි මහද්වීපයකින් සමන්විත විවිධ ජනවර්ග වලින් සමන්විත වුන රටක්. එක අතකින් මැඩේෂියාව සිංගප්පූරුවට සමානයි. 

මේක අතීතය, අනාගතය, වර්තමානය යන තුන්කාලයෙන් ඕනිම කාලයක සිදුවෙන්න පුළුවන් සිදුනොවෙන්නත් පුළුවන් සිදුවීමක්. හෝමෝ නියර්ඩල්තාල්ගෙන් හෝමෝ ඉරෙක්ටස්ට පරිණාමය වුනේ වඳුරා වුනාට හෝමෝ ඉරෙක්ටස්ගෙන් හෝමෝ එක්සලන්ස් වෙන්නේ ඔය වඳුරාද කියන ගැටළුවත් එක්ක අපි කතාව පටන්ගමු. මෙන්න මේ හේතුව නිසා තමා මැඩේෂියාව තුල මැඩේෂියාවේ පූර්වජයා ලෙස ඉගැන්වෙන චිම්පන්සියාව දේවත්වයෙන් සලකන්නේ.



මැඩේෂියාව මූලිකව ද්වී ආගමික රටක්. චිම්පන්සියුස් නමින් හැඳින්වෙන මූලික ආගම නිර්මාණය වෙලා තියෙන්නේ මැඩේෂියාවන් පැවත එන්නේ චිම්පන්සින්ගෙන් කියන හරය පදනම් කරගෙන…

ගබ්සාව..

සුජ්ජා අවසාන වතාවට මට හමුවෙන විට ඌ හිටියේ පෝරු මස්තකාරූඩවය. ඉන්පසුව මට වුවමනාවක් නැතිකම හෝ වැඩවැඩිකම හෝ ඌ අතුරුදහන් වීම හෝ වෙන කිසියම් කරුණක් නිසා මට ඌ හමුවුනේ නැත. කෙසේවෙතත් මම විශ්වවිද්‍යාලයට යන කාලේ ඌ මගේ රූමා යන්න වග මට මතකය.

           සුජ්ජා සුන්දර මනුස්සයෙකි. ඒ ඌ කිසිම දෙයක් පිලිඹඳ ඕනාවට වඩා නොසිතන නිසා යැයි මම සිතමි. ඒ අවුරුදු හතර තුල සුජ්ජා මගේ හොඳම මිතුරන් කිහිප දෙනාගෙන් එකෙකු වීමට එයම හේතුවුනා යැයි මම සිතමි. ඒ කවරකටත් වඩා සුජ්ජා මට මතක හිටින්නේ වෙන හේතුවක් නිසා කිව්වොත් ඒ බොරුවක් නොවේ.

ලතා..
සුජ්ජා ලතා සමග හාද වෙනකොට විශ්වවිද්‍යාලෙට ගිහින් මාසයක්වත් නැතුව ඇති. පෞද්ගලික ආයතනයක අයි ටී උගන්නපු ලතා සුජ්ජා එක්ක යාළුවුනේ සුජ්ජාගේ තිබුන යම් ගුණයක් නිසා වෙන්න පුළුවන්. කෙසේවෙතත් හැමඑකටම හිනාවෙන්න පුළුවන් සුජ්ජාත් එක්ක යාළුවුන ලතා වාසනාවන්තයි කියලා මට නම් මේ දැනුත් හිතෙනවා. කොහොමත් මේ සම්බන්ධයට මාස හයක් විතර යද්දි සුජ්ජායි මගෙයි අතර සම්බන්ධතාවය හරිම යාන්ත්‍රික වෙලා තිබුනේ, ඒක සමහරවිට පුරුද්දට වගේ සතියකට ගිහින් ගහන ගල්බාගෙකට, හවසට කම්මැලිකම යන්න ගහපු සිගරට් එකකට සීම…

රේවත

වර්ෂය 1992 වන්නට ඇත. විශ්වවිද්‍යාලයෙන් ඉවත්වී ගුරු ජීවිතය පටන්ගත්තු අළුතම හත්දාමගුල හත් මාසයක් යන්න කලින් අහවර වුන නිසා මගේ හිත හදාගන්න කියලා මමම රාගල පඥ්ඥාසේකර විද්‍යාලයට සාමාන්‍ය පෙල ගණිතය උගන්වන්න ගියා. විරහ දුක හරි දිවිනසාගන්න හිතෙන තරම් පාළුව හරි වෙන මොකක් හරි එකක් මගේ හිතේ කොනක ඇරෙන්න වෙන කොහෙවත් නොතිබුනාට මම රාගල මාරුවට කැමැත්තෙන්ම ගියේ මට වටෙන් පිටෙන් ඉමෝෂනල් වෙන්න තියෙන හේතුවලින් පැනලා යන්න කියලා කිව්වොත් සෑහෙන්න හරි. ඊට අමතරව රාගල මීදුමත් සීතලයත් මදි පාඩුවට තිබුනා.



පඥ්ඥාසේකර විද්‍යාලය රාගල තිබුන ලොකු ඉස්කෝලයක් වුනාට පොඩි ස්කෝලයක්. ගෑනියෙක්ට වඩා සීතලට ආදරේ කරන මිනිහෙක් වුන මම ඇරෙන්න ඒ ඉස්කෝලෙට කැමැත්තෙන් ගිහින් තිබුනේ දණිස්සාගම රේවත හාමුදුරුවෝ. පෙනුමෙන් දිඹුලාගල හාමුදුරුවෝ වගේ වුනාට මට වඩා අවුරුදු පහක් විතර වැඩිමල් වුනාට රේවත හාමුදුරුවන්ගේ රැවුල පැහිලා තිබුනේ නෑ. ඉඳලා හිටලා මරන මදුරුවෙක් ඇරුනාම සිල්වත්කමිනුත් එච්චර අඩුවක් හාමුදුරුවන්ගේ තිබුනේ නෑ.

හාමුදුරුවන් රාගල ගමේ ප්‍රසිද්ද වෙලා තිබුනේ ගමේ තරුණ සමිතිය නිසා කිව්වොත් වරදක් නෑ. කැත්තේ උදැල්ලේ වැඩ පුරුදු වුනත් පසුකාලීන් සරීරයට…