Skip to main content

සාපේක්ෂතාවය...


සුන්දරත්වය...
ඇතිකරන ප්‍රියමනප බව හා සතුට
ගෙම්බෙකුගෙන් අසන්න..
විශාල රවුම් ඇස් දෙකක්, විශාල පැතලි හොම්බක්,
දුඹුරු පැහැ පිටුපසක්...
ඌ කියනු ඇත...
අප්‍රිකාවේ ම්ලේඡයෙකුට නම්..
කළු පැහැ දෙතොල්, තෙල් සමක්, ගිලාබැසි දෑස් හා
පැතලි නාසයක්....
සුන්දරත්වය වනු ඇත...
යක්ෂයාගෙන් අසන්න....
අං යුවලක්, දිගු නිය හා
වල්ගයක් යැයි හේ කියනු ඇත....
දාර්ශනිකයෙක්ගෙන් එය ඇසුවහොත්...
ඔල්මොරොන්දම් වාගාඩම්බරයක් කියවනු ඇත....
ජපානයේ සුන්දර දෑ
රෝමයේ අසුන්දර වේ....
ප්‍රංශයේ සුන්දර දෑ
ජපානයේ අසංවර වේ...
මට සුන්දර දෑ
මිත්තණියට අසංවර වේ....
ඉදින්....
පුදුම නොයේද....?
සුන්දරත්වයේ සාපේක්ෂතාවය....
( වොල්තෙයාර් )

Comments

amal ishantha said…
මේ ලෝකේ හැමදෙයක්ම සාපේක්ෂයි. සුන්දරත්වය වුනත් එහෙම තමයි. ආදරයත් සාපේක්ෂයි.
malee_msg said…
අමල් කියලා තියන දේම තමයි මටත් කියන්න තියෙන්නේ... හැම දේම තීරණය වෙන්නේ පුද්ගලයාගෙන් පුද්ගලයාට අනුව ‍ඒ දේවල් විදින/දකින/හිතන විදිය හෝ රටාව අනූවයි‍.
ඒකනම් ඇත්ත... සුන්දරත්වය... කාගේ හරි හිතට වැදුනානම්... ප්රියමනාප නම්... එච්චරයි...
Pahan said…
ඔව් ඔව් නැත්නම් හැම කොල්ලම එකම කෙල්ලට ට්‍රයි කරයි. දැනටත් මරා ගන්න එකේ සුන්දරත්වරටත් ISO Standard එකත් තිබුන නම් .....
දාර්ශනිකයෙක් සතු මනැසක් ඔබ සතුව ඇත.
Kanch said…
Sama sundara deyakama asundara bawak atha...e wagema sama asundara deyakama yamkisi sundarathwayak atha....
meka methanata galapenawada danne na...:D apuru bolg ekak...adai ahu une...:)
ඒකනම් ඇත්ත... Kanch අපි දකින හැම දෙයකම අපි නොදකින පැත්තක් තියෙනවා.. සුන්දරත්වයෙත් ඒ වගේ තමා...
සරත් මහත්මයා සුන්දරත්වය දකින්නේ කොහොමද..?
'සුන්දරත්වය' කියන්නෙ වෙනස් වන දෙයක්. මම සුන්දරත්වය කියන දෙයක් වෙන කෙනෙකුට සුන්දර නොවෙන්න පුලුවන්. ඒ නිසා ඕනම සුන්දර කෙනෙකුට ඕනම සුන්දර දෙයක සුන්දරත්වය විඳගන්න අවස්ථාව ඇරලා මම මට සුන්දර දෙයක් බලා ගෙන ඉන්නවා. නමුත් කාලයේ ඇවැමෙන් ඔක්කොම සුන්දර දේවල් අසුන්දර වෙනවා. ඒ යථාර්තය ගැන හිතුවම මුලු ලෝකයම සුන්දරයි, කිසිවකට බැඳීම් නැති නිසා.......................
සුන්දරයි කියලා හිතපු ගොඩක් දේවල් අසුන්දර වෙලානම් තියෙනවා. හුඟක් වෙලාවට මිනිස්සු. අඳුර ගන්න බැරි කම නිසා
ම.ම.ගි said…
හැමදෙයකම කිසියම් සුන්දරත්වයක් තියෙනවා. සමහර දේවල සුන්දරත්වය කි‍යන දේ පෙනෙන්නෙ නැහැ. වුවමනාවෙන් බලන්න ඕන. ඒක පෙනෙන්න හිතත් සුන්දර වෙන්න ඕන.
Thushara said…
සාපේක්ශතාවත් තවත් දෙයකට සාපේක්ශයි...

වැඩිපුර බලපු..

වඳුරන්ගේ රට.

ඒ අනාගතය කියලා පටන්ගත්තොත් අනාගතය කොයි වගේ එකක්ද කියල අපේ හිත්වල තියෙන පින්තූරයට මේක ටිකක් සමාන වෙලා පෙනෙන්න පුළුවන්. ඒ පින්තූරය හදලා තියෙන්නේ වැඩිපුරම පොත්වලින් සහ චිත්‍රපටිවලින් කියලා කිව්වොත් වැරැද්දක් නෑ. කවුරුහරි මේක Planet of the Apes වගේ කතාවක් කියලා කිව්වොත් ඒකෙ ඇති වැරැද්දකුත් නෑ හරියකුත් නෑ. අපි ඒ ග්‍රහලෝකයට මැඩේෂියාව කියලා කියමු. මැඩේෂියාව භූ පිහිටීම අතින් ගත්තොත් තනි මහද්වීපයකින් සමන්විත විවිධ ජනවර්ග වලින් සමන්විත වුන රටක්. එක අතකින් මැඩේෂියාව සිංගප්පූරුවට සමානයි.  මේක අතීතය, අනාගතය, වර්තමානය යන තුන්කාලයෙන් ඕනිම කාලයක සිදුවෙන්න පුළුවන් සිදුනොවෙන්නත් පුළුවන් සිදුවීමක්. හෝමෝ නියර්ඩල්තාල්ගෙන් හෝමෝ ඉරෙක්ටස්ට පරිණාමය වුනේ වඳුරා වුනාට හෝමෝ ඉරෙක්ටස්ගෙන් හෝමෝ එක්සලන්ස් වෙන්නේ ඔය වඳුරාද කියන ගැටළුවත් එක්ක අපි කතාව පටන්ගමු. මෙන්න මේ හේතුව නිසා තමා මැඩේෂියාව තුල මැඩේෂියාවේ පූර්වජයා ලෙස ඉගැන්වෙන චිම්පන්සියාව දේවත්වයෙන් සලකන්නේ. මැඩේෂියාව මූලිකව ද්වී ආගමික රටක්. චිම්පන්සියුස් නමින් හැඳින්වෙන මූලික ආගම නිර්මාණය වෙලා තියෙන්නේ මැඩේෂියාවන් පැවත එන්නේ චිම්පන්සින්ගෙන් කියන හරය පදන

වයිරා.

මම වයිරා. කතාව කොහොම පටන් ගත්තත් අන්තිමට ඉවරවෙන්නේ එකම විදිහට හින්දා මම ලේසි විදිහෙන් පටන් ගන්නම්. මගේ ගොන් ජීවිතයේ වැස්සියෝ දෙතුන් දෙනෙක්ගෙන් කට්ට කාලා තිබුනත් රත්තිට වෙන නාම්බෝ දෙතුන් දෙනෙක් යෝජනා ගෙනත් තිබුනත් මම රත්ති ගැන හිතාගෙන හිටියා. හඳයා... හඳයා මට වඩා වයසයි. පුන්නක්කු පාවිච්චියක් නෑ. හඳයාත් රත්තිට යෝජනා වුන එක නාම්බෙක්. මම ඊයේ වෙනකම් හිතාගෙන හිටියේ රත්ති මට කැමතියි කියලා. හඳයාට රත්ති කැමති නැති බව රත්ති මට කියලා තිබුනා. ඒත් ඊයේ පාන්දර ගලගාව වෙල්යායේදී රත්ති හඳයාට කැමැත්ත දුන්නා කියලා කිව්වා. ඒ ඇයි කියන්න රත්ති දැනගෙන හිටියේ නෑ, එක්කෝ කියන්න බැරිකමක් තිබුනා, නැත්නම් වුවමනාවක් තිබුනේ නෑ වෙන්නත් පුළුවන්. රත්ති එක්ක මගේ ලොකු සම්බන්ධයක් තිබුනේ නෑ. ඒත් රත්තිගේ ඒ දික් හොම්බ, වයිරන් වැටුන හම, සැරින් සැරේ මැස්සෝ අයින් කරන්න මගේ පිට උඩට වැටෙන රත්තිගේ නැට්ට. මේවාට මම ඒ සතිය ඇතුලේ වශීවෙලා හිටියේ. මම ටිකක් වෙලා පැත්ත ගහලා ඉඳලා ආයි රත්තිට කතා කලා. රත්ති ඇඬුවා, දෙඩුවා, පොලවේ හැපුනා, ඒත් ඊයේ හැම ප්‍රශ්නෙටම උත්තර තිබුන රත්තිට මගේ ප්‍රශ්නවලට දෙන්න උත්තර නැතිවෙලා. සරලවම අපේ සම්බන්

ගබ්සාව..

සුජ්ජා අවසාන වතාවට මට හමුවෙන විට ඌ හිටියේ පෝරු මස්තකාරූඩවය. ඉන්පසුව මට වුවමනාවක් නැතිකම හෝ වැඩවැඩිකම හෝ ඌ අතුරුදහන් වීම හෝ වෙන කිසියම් කරුණක් නිසා මට ඌ හමුවුනේ නැත. කෙසේවෙතත් මම විශ්වවිද්‍යාලයට යන කාලේ ඌ මගේ රූමා යන්න වග මට මතකය.            සුජ්ජා සුන්දර මනුස්සයෙකි. ඒ ඌ කිසිම දෙයක් පිලිඹඳ ඕනාවට වඩා නොසිතන නිසා යැයි මම සිතමි. ඒ අවුරුදු හතර තුල සුජ්ජා මගේ හොඳම මිතුරන් කිහිප දෙනාගෙන් එකෙකු වීමට එයම හේතුවුනා යැයි මම සිතමි. ඒ කවරකටත් වඩා සුජ්ජා මට මතක හිටින්නේ වෙන හේතුවක් නිසා කිව්වොත් ඒ බොරුවක් නොවේ. ලතා.. සුජ්ජා ලතා සමග හාද වෙනකොට විශ්වවිද්‍යාලෙට ගිහින් මාසයක්වත් නැතුව ඇති. පෞද්ගලික ආයතනයක අයි ටී උගන්නපු ලතා සුජ්ජා එක්ක යාළුවුනේ සුජ්ජාගේ තිබුන යම් ගුණයක් නිසා වෙන්න පුළුවන්. කෙසේවෙතත් හැමඑකටම හිනාවෙන්න පුළුවන් සුජ්ජාත් එක්ක යාළුවුන ලතා වාසනාවන්තයි කියලා මට නම් මේ දැනුත් හිතෙනවා. කොහොමත් මේ සම්බන්ධයට මාස හයක් විතර යද්දි සුජ්ජායි මගෙයි අතර සම්බන්ධතාවය හරිම යාන්ත්‍රික වෙලා තිබුනේ, ඒක සමහරවිට පුරුද්දට වගේ සතියකට ගිහින් ගහන ගල්බාගෙකට, හවසට කම්මැලිකම යන්න ගහපු සිගරට් එක