අහපං සුදු පුතා, මේව මගලගොඩේ කතා..

අහපං සුදු පුතා
මේවා මගලගොඩේ කතා
ගොසිප් සයිට් පුරා 
දුවන්නෙ මේ කතා.. 

සේතං මාමගෙ දෝණිව 
බඳින්න හිටියේ සිරිමල්.. 
දෝණිට දොල දුක හැදිලා 
සිරිමල් මැරුනා.. 

කොණ්ඩය හැඩපළු ගෙතිච්ච
මැගිලිං අක්කගෙ පුතාට
රොසලින් අක්කගෙ කොළුවා 
දෑවැදි දුන්නා..

පින් පෙට්ටිය කඩපු පවට 
සිවුරු ඇරපු සීලරතන
රොඩී වංසෙ වසී දැහැන
මැගීට බැන්දා..

හනුමන්තට වසීවෙලා 
ගෙදර ගෙනා පින පලදී
මැගී අක්කා හනුම එක්ක
දඹදිව වැඩියා..

ඇතුන්..

උඩුබුරන හඬ සොඬින් පියුම් ගත් ඇතුන්.
විදු කරන ලද හිස්කබල් උන්ගේ දලින්.
අද්දන්න බැරි සිහිනුවණ උන්ගේ මතින්.
මද කිපුන කල උන් සිටිනා තැන් මතින්.

පද්දන්න පද්දන්න ඇඟට දැනෙනා ඒ පදේ.
කුද්දන්න කුද්දන්න නිදා වැටෙනා ඒ රඟේ.
අද්දන්න අද්දන්න පසු බහින මේ සිරි යුගේ.
උස්සන්න උස්සන්න වැටෙන උන්ගේ බලේ.

රහත් උන් පෙරයි රහමෙර සුරා.
අන සකු ගම් යටව පිබිදෙන නුරා.
මොනරුන් මිදිව වෙහරෙන් ගෙවනා තුරා.
ඇදගෙන යයිද මුන් මෙත් එන තුරා.

නිශාන්තයේ..

සිසිබිඹු මරකත මිණි වැණි දිය මත බබළන නිසසල නිශාන්තයේ

සිසිබිඹු මරකත මිණි වැණි දිය මත බබළන නිසසල නිශාන්තයේ

අරුණළු දසුනට කුසුම් කැකුළු වැද මීහිලිය සැරසෙන නිශාන්තයේ
අරුණළු දසුනට කුසුම් කැකුළු වැද මීහිලිය සැරසෙන නිශාන්තයේ

තරු කැට නෙතු හැර ගගන තලා මැද නිහඬව සැනහෙන නිශාන්තයේ
තරු කැට නෙතු හැර ගගන තලා මැද නිහඬව සැනහෙන නිශාන්තයේ

පැහැදුල් මිණි පහනෙක දැල් නිවි නිවි අඳුරත වියැකෙන නිශාන්තයේ
පැහැදුල් මිණි පහනෙක දැල් නිවි නිවි අඳුරත වියැකෙන නිශාන්තයේ

මුල් පද - සඳුන් නාගහවත්ත
මුල් සංගීතය - නාලක දිසානායක

පස්සෙ අතින් දාපු සංගීතය සහ පද මගේ වේ යැ..

වියෝ වූ මලක්..

දාර වැස්සට මූණ තෙමුනම - කඳුලු කැට ටික සේදුනා

පීර බැලුවට සෙයිලමේ කොන - ලඟම අහුමුළු නොපෙනුනා

පාට දැක්කට දේදුන්න අග  - ඉරගින්නෙ රත බැබළුනා

රූපෙ දුටුවට නාරි ඇඳුමින් - ධවල ඔසරිය මතුවුනා..

ආල දෑසට රූප රාජිනි - දේහෙ අද මැද පරවෙලා

රෝස අතැඟිලි දිගටි අත්ලක - පීන පහලින් මැලවෙලා

කාරි නොදොඩන නාදළු මත - රක්ත සායම් තැවරිලා 

මීන නෙත්වල දෝස යන්නට - අඳුන් පැතිරව පියවිලා..

පිපුන පරවුන සිහින මල්ගොමු - දෙණ යහන මත වැතිරිලා

කේතු සෙනසුරු ගුරු මාරු දැක - සිකුරු පහනක දැල්විලා

පවට වැනසුන බඹර ගල උඩ - මලක පෙතිහැර පාවුනා

වෘක්ෂ නා මත වැතිර පැතිරුන - සඳුන් වැල අද මියැදිලා..