මගේ පසුම්බියට තවත් අයිතිකරුවෙකු සිට ඇත.
රියදුරු බලපත්රය සහ ජාතික හැඳුනුම්පත එකට රැගෙන ගොස් දෙකම අන්තරාස්දාන විය.
මම එය නොකල යුතුව තිබුනි.
එහෙත් එය එසේ සිදුවුනි.
වැදගත් කොම්පැනියක සම්මුඛ පරීක්ෂණයකදී ගොන් උත්තරයක් දී රස්සාව නැතිවී ගියේය.
මම එය නොකල යුතුව තිබුනි.
එහෙත් එය එසේ සිදුවුනි.
එම් පී ත්රී ප්ලේයරද ආගිය අතක් නැත.
අමතකව කොහේ හෝ දමා ගොස් ඇත.
මම සිහිකල්පනාවෙන් වැඩ කල යුතුව තිබුනි.
එහෙත් එය එසේ සිදුවුනි.
අළුතින් ගත් සපත්තු දෙකට කකුල පතුරු ගොස් ඇත.
සපත්තු දෙක මිලට නොගත යුතුව තිබුනි.
එහෙත් එය එසේ සිදුවුනි.
ඇයට මංගල යෝජනාවක් පැමිණ ඇත.
ඇය ඔහුට කැමතිය.
මම ඇයට කැමති නොවී සිටියා නම් යැයි මට සිතුනි.
දුකක් දැනේ..
නමුත් එය එසේ සිදුවී ඇත...

9 comments:
හුටා..! මොකද්ද බං උඹට මේ වෙලා තියෙන්නෙ??
ගණන් ගන්න එපා කියලා ඉතින් කියන්න නම් අපිට ලේසියි නෙව, ඒකේ දුක අමාරුව තියෙන්නෙ විපතට වැටිච්ච එකාට. ඒ නිසා මං මුකුත් කියන්නේ නෑ ඔන්න.
කාලෙකින් මෙහෙම හරි බ්ලොග් එක මතක් වෙච්ච එක ගැන අප්රමාන සන්තෝසයි.
:)
දන්නා පරිදි නැතිවූ වැදගත් දෑ හමුවී ඇත
දුරකතනය එක්වරක් මා ද උඹට ගෙනවිත් දී ඇත
හිසේ දහසක් දේ තිබේද ඉවත හල යුතු?
මා දන්නේ නැත... ඔය උඹේ හැටිය...
උඹ ඔය කිසිත් ගණන් නොගත යුතුව තිබිණි
එසේව අවශ්යයෙන්ම උඹ ඔය දේ ගණන් ගන්නවානම්
මේ උඹට උඹව වෙනස්කරගත යුතු කාලයයි
වෙච්චි දේ බ්ලොග් එකේ ඉහළ දකුණු පැත්තෙ තිබුණු බව මම දැක්ක.--කණ් ගොඩකරන දම්මිනී වෙනුවට කණ් ගොඩ කරපු දම්මිනී ආවම වැඩේ තේරුණ.උඹට තියෙන්නෙ මනුස්ස හදවතක්.මට කියන්න තියෙන්නෙ එච්චරයි.
මෙම සටහන නොකියවූවා නම් යැයි මට සිතුනි.
මටම වූවක් සේ දුකක් දැනේ..
නමුත් දැනටමත් එය කියවා ඇත...
උඹ සයිබර් ලයිෆ්, රියල් ලයිෆ් පටල නොගන්න විත්තිය මම දන්නවා. ඒත් මේ රියල් ලයිෆ්! මක්කොරන්නද ඉතින්?
වේදනාව තුවාලය ඇත්තාටය..! අප කුමක් කීවද වෙන්නට තියෙනදේ වී ඇත. මතක් කර බලනු යෙහෙකි..! තවත් වෙන්නට දේවල් ඇතිනම් ඒවා වලක්වා ගන්නට අද අදම කටයුතු කරන්නේ නම් අගනේය.
අපිට සිද්ද වෙන දේවල් එහෙම නොවෙන්න වැඩ කරන්න අපට පුලුවන් කම තිබුනා කියල තේරෙන කොට අපි හැමදාම පරක්කු වැඩියි. අනිත් අතට ඕකම තමයි ජීවිතය ..
උඹ පළවෙනි පරිච්ඡේදෙ තේරුම ඒ පරිච්ඡේදෙම පෙරළ පෙරළ හොයනවා... ඔය පිටුව පෙරපන්... ඊලඟ පරිච්ඡේදෙ තියනවා ඕකෙ තේරුම...
Post a Comment