Skip to main content

දර්ශීය ගැහැණිය

කුණු කෙල නොබේරෙන..
මාසිකව ලෙඩ නොවෙන..
ලෙඩ වුනත් නොපෙන්වන..
වැරදිලාවත් පඩයක් නොයන..
ගතපුරා කියුටිකිරා සුවඳ විහිදෙන..
සර්වාංගයම සළුයෙන් වැසී ඇති..
පොලවට නොරිදෙන්නට පය තබන..
අතිශය විනීත..
අතිශය පාරිශුද්ධ..
සුජාත පුත්‍රයෙකු බිහිකරන්නාවූ..
නුඹත් සොයන..
මාත් සොයන..
දර්ශීය ගැහැණිය..

Comments

අදහසට හේතු වුනේ අපි පිරිසක් කරපු කතාබහක් කතා බහ වුනේ වෙන පැත්තක් ගැන වුනාට මගේ හිතට ආවේ මේ වගේ අදහසක්. ඒ අවස්ථාවේ එතන සිටි සියලු දෙනාට මගේ ස්තූතිය.
Palitha said…
"ඒ අවස්ථාවේ එතන සිටි සියලු දෙනාට මගේ ස්තූතිය."
මේ මොකද බං?
මොනවා උනත් ඔහොම යං...නියමයි!නියමයි!
නිධාන කතාව මොකක්, උනත් හුදෙක් මේ සිතුවිල්ල නම්.... ඇත්ත.
පට්ට. මමත් කාලෙක ඉඳන් විසදුම් හොයන ප්‍රශ්න මේකෙ තියෙනවා.
malee_msg said…
මම හිතන්නේ නෑ.. පියවි ලෝකෙදි කවදාවත් හම්බ වෙයි කියලා.. හැබැයි හැම පිරිමියම සමරහර විටි 99% ක් ම හොයන්නේ මෙයාව තමා.
මට ඇතිවෙන ගැටළුව ඇයි එයාව හොයන්නෙ කියන එක.
ඇයි හොයන්නෙ.. අපි සහකාරියක් හොයන කොට අපි ලඟ තියෙන ලිස්ට් එකට දාලා බලනවනෙ. ඕක හැමෝටම පොදු ප්‍රශ්ණයක් ඒත් අපි අනිවා අපි තනිකඩයි නම් අපි හොයන්නෙ ඔය වගේ ගැහැණියක් තමා. අපි යුගලයි නම් අපි හොයා ගෙන ඉන්නෙ අපිට අනුව එහෙම කෙනෙක්. ඒත් ගැටළුව අපි ඇයි එහෙම කෙනෙක් හොයන්නෙ කියන තැන.
Anonymous said…
ya සහතික ඇත්ත..... ගොඩක් අය තමන්ගෙ වැරදි හදාගෙන්නෙ නැතුව පත පතා ඉන්නෙ ඔය වගේ අයව..........
මේ වගේ ගැහැණියක් ගැළපෙන්නේ මේ ලක්ෂණම ඇති පිරිමියෙකුට විතරයි. අපි කවුරුත් එහෙම නෑනේ. ඒ නිසා අවුලක් ගන්න එපා. අනික්වා කොහොම වෙතත් අර හතර වෙනි පේළියෙන් කියවෙන දේ නොවෙන එකෙක් නම් ලොවෙත් නෑ. හොල්මනක් උනොත් මිසක.
අපි පිරිමි කොච්චර ආත්මාර්ථකාමී විදිහට මේ ගැහැණියව බලාපොරොත්තු වෙනවද? ඒක කොච්චර හරිද. කොහොමත් සමාජය නිර්මාණය කරන්නේ මේ ලක්ෂණ තියෙන ගැහැණියක්වනෙ.

වැඩිපුර බලපු..

වඳුරන්ගේ රට.

ඒ අනාගතය කියලා පටන්ගත්තොත් අනාගතය කොයි වගේ එකක්ද කියල අපේ හිත්වල තියෙන පින්තූරයට මේක ටිකක් සමාන වෙලා පෙනෙන්න පුළුවන්. ඒ පින්තූරය හදලා තියෙන්නේ වැඩිපුරම පොත්වලින් සහ චිත්‍රපටිවලින් කියලා කිව්වොත් වැරැද්දක් නෑ. කවුරුහරි මේක Planet of the Apes වගේ කතාවක් කියලා කිව්වොත් ඒකෙ ඇති වැරැද්දකුත් නෑ හරියකුත් නෑ.

අපි ඒ ග්‍රහලෝකයට මැඩේෂියාව කියලා කියමු. මැඩේෂියාව භූ පිහිටීම අතින් ගත්තොත් තනි මහද්වීපයකින් සමන්විත විවිධ ජනවර්ග වලින් සමන්විත වුන රටක්. එක අතකින් මැඩේෂියාව සිංගප්පූරුවට සමානයි. 

මේක අතීතය, අනාගතය, වර්තමානය යන තුන්කාලයෙන් ඕනිම කාලයක සිදුවෙන්න පුළුවන් සිදුනොවෙන්නත් පුළුවන් සිදුවීමක්. හෝමෝ නියර්ඩල්තාල්ගෙන් හෝමෝ ඉරෙක්ටස්ට පරිණාමය වුනේ වඳුරා වුනාට හෝමෝ ඉරෙක්ටස්ගෙන් හෝමෝ එක්සලන්ස් වෙන්නේ ඔය වඳුරාද කියන ගැටළුවත් එක්ක අපි කතාව පටන්ගමු. මෙන්න මේ හේතුව නිසා තමා මැඩේෂියාව තුල මැඩේෂියාවේ පූර්වජයා ලෙස ඉගැන්වෙන චිම්පන්සියාව දේවත්වයෙන් සලකන්නේ.



මැඩේෂියාව මූලිකව ද්වී ආගමික රටක්. චිම්පන්සියුස් නමින් හැඳින්වෙන මූලික ආගම නිර්මාණය වෙලා තියෙන්නේ මැඩේෂියාවන් පැවත එන්නේ චිම්පන්සින්ගෙන් කියන හරය පදනම් කරගෙන…

ගබ්සාව..

සුජ්ජා අවසාන වතාවට මට හමුවෙන විට ඌ හිටියේ පෝරු මස්තකාරූඩවය. ඉන්පසුව මට වුවමනාවක් නැතිකම හෝ වැඩවැඩිකම හෝ ඌ අතුරුදහන් වීම හෝ වෙන කිසියම් කරුණක් නිසා මට ඌ හමුවුනේ නැත. කෙසේවෙතත් මම විශ්වවිද්‍යාලයට යන කාලේ ඌ මගේ රූමා යන්න වග මට මතකය.

           සුජ්ජා සුන්දර මනුස්සයෙකි. ඒ ඌ කිසිම දෙයක් පිලිඹඳ ඕනාවට වඩා නොසිතන නිසා යැයි මම සිතමි. ඒ අවුරුදු හතර තුල සුජ්ජා මගේ හොඳම මිතුරන් කිහිප දෙනාගෙන් එකෙකු වීමට එයම හේතුවුනා යැයි මම සිතමි. ඒ කවරකටත් වඩා සුජ්ජා මට මතක හිටින්නේ වෙන හේතුවක් නිසා කිව්වොත් ඒ බොරුවක් නොවේ.

ලතා..
සුජ්ජා ලතා සමග හාද වෙනකොට විශ්වවිද්‍යාලෙට ගිහින් මාසයක්වත් නැතුව ඇති. පෞද්ගලික ආයතනයක අයි ටී උගන්නපු ලතා සුජ්ජා එක්ක යාළුවුනේ සුජ්ජාගේ තිබුන යම් ගුණයක් නිසා වෙන්න පුළුවන්. කෙසේවෙතත් හැමඑකටම හිනාවෙන්න පුළුවන් සුජ්ජාත් එක්ක යාළුවුන ලතා වාසනාවන්තයි කියලා මට නම් මේ දැනුත් හිතෙනවා. කොහොමත් මේ සම්බන්ධයට මාස හයක් විතර යද්දි සුජ්ජායි මගෙයි අතර සම්බන්ධතාවය හරිම යාන්ත්‍රික වෙලා තිබුනේ, ඒක සමහරවිට පුරුද්දට වගේ සතියකට ගිහින් ගහන ගල්බාගෙකට, හවසට කම්මැලිකම යන්න ගහපු සිගරට් එකකට සීම…

රේවත

වර්ෂය 1992 වන්නට ඇත. විශ්වවිද්‍යාලයෙන් ඉවත්වී ගුරු ජීවිතය පටන්ගත්තු අළුතම හත්දාමගුල හත් මාසයක් යන්න කලින් අහවර වුන නිසා මගේ හිත හදාගන්න කියලා මමම රාගල පඥ්ඥාසේකර විද්‍යාලයට සාමාන්‍ය පෙල ගණිතය උගන්වන්න ගියා. විරහ දුක හරි දිවිනසාගන්න හිතෙන තරම් පාළුව හරි වෙන මොකක් හරි එකක් මගේ හිතේ කොනක ඇරෙන්න වෙන කොහෙවත් නොතිබුනාට මම රාගල මාරුවට කැමැත්තෙන්ම ගියේ මට වටෙන් පිටෙන් ඉමෝෂනල් වෙන්න තියෙන හේතුවලින් පැනලා යන්න කියලා කිව්වොත් සෑහෙන්න හරි. ඊට අමතරව රාගල මීදුමත් සීතලයත් මදි පාඩුවට තිබුනා.



පඥ්ඥාසේකර විද්‍යාලය රාගල තිබුන ලොකු ඉස්කෝලයක් වුනාට පොඩි ස්කෝලයක්. ගෑනියෙක්ට වඩා සීතලට ආදරේ කරන මිනිහෙක් වුන මම ඇරෙන්න ඒ ඉස්කෝලෙට කැමැත්තෙන් ගිහින් තිබුනේ දණිස්සාගම රේවත හාමුදුරුවෝ. පෙනුමෙන් දිඹුලාගල හාමුදුරුවෝ වගේ වුනාට මට වඩා අවුරුදු පහක් විතර වැඩිමල් වුනාට රේවත හාමුදුරුවන්ගේ රැවුල පැහිලා තිබුනේ නෑ. ඉඳලා හිටලා මරන මදුරුවෙක් ඇරුනාම සිල්වත්කමිනුත් එච්චර අඩුවක් හාමුදුරුවන්ගේ තිබුනේ නෑ.

හාමුදුරුවන් රාගල ගමේ ප්‍රසිද්ද වෙලා තිබුනේ ගමේ තරුණ සමිතිය නිසා කිව්වොත් වරදක් නෑ. කැත්තේ උදැල්ලේ වැඩ පුරුදු වුනත් පසුකාලීන් සරීරයට…