Skip to main content

එය සිදුවිය යුතුව තිබුනි....!

එය එතරම් අසීරු යැයි එය සිදුවනතුරු මම දැනගෙන සිටියේ නැත.
එය සිදුවිය යුතුව තිබුනි.
නමුත් අප දෙදෙනාගෙන් එකෙකු හෝ එය භාරගන්නට සූදානම් නොවීය.
අවසානයේ එය සිදුවී ඇත...!
ජීවිතය නම් වූ නවකථාව තුල දෑවුරුද්දක පරිඡේදයක් 
අවසාන වී ඇත.
කතන්දර ගොඩක් මැද්දෙ හමුවූ දෙන්නෙක් 
කතන්දර ගොඩක් මැද වෙන්වී ගොසින්ය
සියල්ල අනාගතයට බාරදී අත පිහිදාගන්නට ආත්මාර්ථකාමී ආසාවක් හිතට ආවත් එය සිදුකිරීම එතරම් පහසුනම් මම එය දැනටමත් අහවර කොට හමාරය. 
කතාන්දරය නිල වශයෙන්ම අවසන්ය.
අවසානයේ මම පිදුම වෙනස් කරමි....
"මගේ අතේ එල්ලී
මගේ කණ් ගොඩ කරපු
දම්මිනීට.." 
පින්තූරය අහක් කිරීමට තරම් මම මුග්ධයෙකු වී නැත. 
එහෙත් දවසක එයද ඉවත් කිරීමට සිදුවනු ඇත.. 
ආදරය කියන සූදුවෙන් මම පැරදී ඇත..
මම ලඟ තුරුම්පු අවසන් වී තිබුනි...
එය සිදුවිය යුතුව තිබුනි....!

Comments

ගීත් said…
අද අමුතුම දවසක් කියලා හිතෙනවා. හෙමෝම ලියන්නෙ ආදරයෙ පරාජිත සිතුම්. හරිම දුකහිතුන කතාවක්
said…
හ්ම්ම්ම්......
හිතෙන්නේ නෑ කියන්න දෙයක්!
Anonymous said…
This comment has been removed by a blog administrator.
මොනව ලියන්නද කියල හිතාගන්න බෑ. මට තාම විස්වාස නෑ මේක ඇත්තද කියල. මොනවද මේ වෙන්නෙ.
ළමයා said…
ලස්සන පද පෙලක් වගේම මගේ හිතට දැනෙන පද පෙලක්!
හැම හමුවීමක් අවසන කිනම් හෝ වෙන්වීමක් තියෙනවා.. එයයි යථාර්තය...
Raven said…
මට මතකයි මීට ටික දවසකට පෙර දෑවුරුද්දට සුබ පැතුවා. මගේ මුල්ම කමෙන්ට් එකක් විදිහට. දැන්නම් කියන්න වෙන දෙයක් ඔලුවට එන්නෙ නෑ මචන්.
මට නම් තාම හිතාගන්න බැහැ මොනවද මේ වෙන්නෙ කියල :(
බය වෙන්න එපා තුරුම්පු තියේ නම්

/බිඟුවා...!
Supun Sudaraka said…
හ්ම් හ්ම් හ්ම්...
Anonymous said…
මේ දවස් වල හැමෝටම දැනෙන්නෙ විරහවද ?
දුකා said…
hhhmmmmmmm

ane manda . . .
Anonymous said…
what?????????????????????????????????
අයේෂ් said…
ජිවිත්යේ ලං වෙන සැම දෙම
අපි තනිකර ජිවිතයේන් පලා යයි.....
සධාතනික වු ඒ ලොක ධර්මයට,තනිකමට,විරහවට
කෙදිනක හො ගොදුරු වේ...................
ඉතින් අයියේ ............................?
Anonymous said…
"ගැහැනිය ලෝකයට බිහිවි ඇත්තෙ හැඩිමටවත් සිනාසීමටවත් නොව හැඩිමත් සිනාසීමත් අතර රැදෙමින් මේ ලෝකය තවත් ලස්සන කිරිමටය"
උඹත් තව ටික කාලයක් ඒ ලෝකයේ ලස්සන බලන්න උත්සහ කරපන්.
LishWish said…
කවදාවත් කොහේදීවත් කවුරුවත් පැරදිලා නැහැ..! උනදේ උනා..!!
හිත හදාගන්න බලමු..!!!
අප්පා...
සිරාවටමද කියන්නේ බන්?. මට මාර පුදුමයි. ඒ වගේම දුකයි. :(
කියන්න දෙයක් නෑ .... ටික දවසකට කලින් උඹත් එක්ක අපිත් දම්මිණීගේ උපන්දිනේට සුභ පැතුව වගෙත් මතකයි.

ඒත් අද ????????

සදාකාලික නොවූ ලෝකයෙ සදාකාලික ප්‍රේමයක්..
සොයා නෙක ගම් දනවු පීරා...
ගෙවූ කාලය සිහිනයක්...
Shit happens.

Move on Dude!

Experience is what matters most.
ඇත්තටම..හුඟක් දුකයි.
ඒත් තාම මට විශ්වාස නෑ.

හිත හදා ගන්න ශක්තිය ධෛර්යය ලැබේවා..
ගොඩක් වෙලා හිතුවා...! මොනවද ලියන්නෙ කියලා... හිතේ තිබුණ දේ වචන උනේ නෑ..!!
මම මේක දැක්කෙ කාලෙකට පස්සෙ... දැන් සියල්ලම සන්සුන් ඇති!! When will be, Will be

වැඩිපුර බලපු..

වඳුරන්ගේ රට.

ඒ අනාගතය කියලා පටන්ගත්තොත් අනාගතය කොයි වගේ එකක්ද කියල අපේ හිත්වල තියෙන පින්තූරයට මේක ටිකක් සමාන වෙලා පෙනෙන්න පුළුවන්. ඒ පින්තූරය හදලා තියෙන්නේ වැඩිපුරම පොත්වලින් සහ චිත්‍රපටිවලින් කියලා කිව්වොත් වැරැද්දක් නෑ. කවුරුහරි මේක Planet of the Apes වගේ කතාවක් කියලා කිව්වොත් ඒකෙ ඇති වැරැද්දකුත් නෑ හරියකුත් නෑ.

අපි ඒ ග්‍රහලෝකයට මැඩේෂියාව කියලා කියමු. මැඩේෂියාව භූ පිහිටීම අතින් ගත්තොත් තනි මහද්වීපයකින් සමන්විත විවිධ ජනවර්ග වලින් සමන්විත වුන රටක්. එක අතකින් මැඩේෂියාව සිංගප්පූරුවට සමානයි. 

මේක අතීතය, අනාගතය, වර්තමානය යන තුන්කාලයෙන් ඕනිම කාලයක සිදුවෙන්න පුළුවන් සිදුනොවෙන්නත් පුළුවන් සිදුවීමක්. හෝමෝ නියර්ඩල්තාල්ගෙන් හෝමෝ ඉරෙක්ටස්ට පරිණාමය වුනේ වඳුරා වුනාට හෝමෝ ඉරෙක්ටස්ගෙන් හෝමෝ එක්සලන්ස් වෙන්නේ ඔය වඳුරාද කියන ගැටළුවත් එක්ක අපි කතාව පටන්ගමු. මෙන්න මේ හේතුව නිසා තමා මැඩේෂියාව තුල මැඩේෂියාවේ පූර්වජයා ලෙස ඉගැන්වෙන චිම්පන්සියාව දේවත්වයෙන් සලකන්නේ.



මැඩේෂියාව මූලිකව ද්වී ආගමික රටක්. චිම්පන්සියුස් නමින් හැඳින්වෙන මූලික ආගම නිර්මාණය වෙලා තියෙන්නේ මැඩේෂියාවන් පැවත එන්නේ චිම්පන්සින්ගෙන් කියන හරය පදනම් කරගෙන…

ගබ්සාව..

සුජ්ජා අවසාන වතාවට මට හමුවෙන විට ඌ හිටියේ පෝරු මස්තකාරූඩවය. ඉන්පසුව මට වුවමනාවක් නැතිකම හෝ වැඩවැඩිකම හෝ ඌ අතුරුදහන් වීම හෝ වෙන කිසියම් කරුණක් නිසා මට ඌ හමුවුනේ නැත. කෙසේවෙතත් මම විශ්වවිද්‍යාලයට යන කාලේ ඌ මගේ රූමා යන්න වග මට මතකය.

           සුජ්ජා සුන්දර මනුස්සයෙකි. ඒ ඌ කිසිම දෙයක් පිලිඹඳ ඕනාවට වඩා නොසිතන නිසා යැයි මම සිතමි. ඒ අවුරුදු හතර තුල සුජ්ජා මගේ හොඳම මිතුරන් කිහිප දෙනාගෙන් එකෙකු වීමට එයම හේතුවුනා යැයි මම සිතමි. ඒ කවරකටත් වඩා සුජ්ජා මට මතක හිටින්නේ වෙන හේතුවක් නිසා කිව්වොත් ඒ බොරුවක් නොවේ.

ලතා..
සුජ්ජා ලතා සමග හාද වෙනකොට විශ්වවිද්‍යාලෙට ගිහින් මාසයක්වත් නැතුව ඇති. පෞද්ගලික ආයතනයක අයි ටී උගන්නපු ලතා සුජ්ජා එක්ක යාළුවුනේ සුජ්ජාගේ තිබුන යම් ගුණයක් නිසා වෙන්න පුළුවන්. කෙසේවෙතත් හැමඑකටම හිනාවෙන්න පුළුවන් සුජ්ජාත් එක්ක යාළුවුන ලතා වාසනාවන්තයි කියලා මට නම් මේ දැනුත් හිතෙනවා. කොහොමත් මේ සම්බන්ධයට මාස හයක් විතර යද්දි සුජ්ජායි මගෙයි අතර සම්බන්ධතාවය හරිම යාන්ත්‍රික වෙලා තිබුනේ, ඒක සමහරවිට පුරුද්දට වගේ සතියකට ගිහින් ගහන ගල්බාගෙකට, හවසට කම්මැලිකම යන්න ගහපු සිගරට් එකකට සීම…

රේවත

වර්ෂය 1992 වන්නට ඇත. විශ්වවිද්‍යාලයෙන් ඉවත්වී ගුරු ජීවිතය පටන්ගත්තු අළුතම හත්දාමගුල හත් මාසයක් යන්න කලින් අහවර වුන නිසා මගේ හිත හදාගන්න කියලා මමම රාගල පඥ්ඥාසේකර විද්‍යාලයට සාමාන්‍ය පෙල ගණිතය උගන්වන්න ගියා. විරහ දුක හරි දිවිනසාගන්න හිතෙන තරම් පාළුව හරි වෙන මොකක් හරි එකක් මගේ හිතේ කොනක ඇරෙන්න වෙන කොහෙවත් නොතිබුනාට මම රාගල මාරුවට කැමැත්තෙන්ම ගියේ මට වටෙන් පිටෙන් ඉමෝෂනල් වෙන්න තියෙන හේතුවලින් පැනලා යන්න කියලා කිව්වොත් සෑහෙන්න හරි. ඊට අමතරව රාගල මීදුමත් සීතලයත් මදි පාඩුවට තිබුනා.



පඥ්ඥාසේකර විද්‍යාලය රාගල තිබුන ලොකු ඉස්කෝලයක් වුනාට පොඩි ස්කෝලයක්. ගෑනියෙක්ට වඩා සීතලට ආදරේ කරන මිනිහෙක් වුන මම ඇරෙන්න ඒ ඉස්කෝලෙට කැමැත්තෙන් ගිහින් තිබුනේ දණිස්සාගම රේවත හාමුදුරුවෝ. පෙනුමෙන් දිඹුලාගල හාමුදුරුවෝ වගේ වුනාට මට වඩා අවුරුදු පහක් විතර වැඩිමල් වුනාට රේවත හාමුදුරුවන්ගේ රැවුල පැහිලා තිබුනේ නෑ. ඉඳලා හිටලා මරන මදුරුවෙක් ඇරුනාම සිල්වත්කමිනුත් එච්චර අඩුවක් හාමුදුරුවන්ගේ තිබුනේ නෑ.

හාමුදුරුවන් රාගල ගමේ ප්‍රසිද්ද වෙලා තිබුනේ ගමේ තරුණ සමිතිය නිසා කිව්වොත් වරදක් නෑ. කැත්තේ උදැල්ලේ වැඩ පුරුදු වුනත් පසුකාලීන් සරීරයට…