Skip to main content

අතේ මාට්ටු..

මට මතක හැටියට හරියටම වෙලාව රෑ 12 පහුවුනා විතරයි.... මුලු නේවසිකාගාරයම නිහඬයි... ඒ වුනාට තැන තැන කසු කුසුවක් සාවදානව අහගෙන හිටියොත් හොඳට අහෙන්න ඉඩක් නැතුවමත් නෙමෙයි... 21 කල්ලිය ඒ කියන්නේ 11,10 වසරවල පයිලට්ලා ටික තවත් මෙහෙයුමකට සූදානම් වෙන්නේ ඔන්න ඔය අතරේ..
කසු කුසුව අහෙන්නෙත් ඒ නිසාම වෙන්න ඇති...
මූලික පරීක්ෂණ මාලාව යටතේ සික්කන්ගේ කාමරය දෙසට ඇහැ ගහගෙන ඉන්න දෙන්නෙක් යවනවා වගේම පාලකතුමාගේ ගෙදර ලඟටත් බැල්මට්ලා 2 යවන්නේ බයටම නෙමෙයි.... අරක්ෂාවටත් එක්ක...
බැලමට්ලාගෙ අනුමැතිය යටතේ අපි මහා රාජකාරියට පිටත් වුනා...
එදා ලස්සනට හඳ පායලා තිබුනා. පසලොස්වකට දවස් හතරක් නිසා වෙන්න ඇති... හිතුවට වඩා හඳ එලිය... ඒ හින්දාද කොහෙද හැමෝගෙම හිතේ පොඩි බයක් මෝදුවෙමින් තිබුනා... ඒත් ඉතින් අපේ අඩවියේ අවාම අපහු යන සිරිතක් නෑනෙ... ඉතින් කොහොමහරි වැඩේට බැස්සා.... හරියටම කුරුම්බා ගෙඩි 15 විතර කඩන්න ඇති...
එකපාරට
"කවුරුත් හෙල්ලෙන්න එපා...." අපි දුවන්න බැලුවත් හතර වටෙන්ම අපිව වටකරලා...
"මචං වලහා කොහොමද මෙතනට ආවෙ"
එහා පැත්තේ හිටපු ගුරා මගේ කනට කෙඳිරුවේ ජීවිතේ එපාවෙලා වගේ...
"මුරට දාපු මිනිස්සු දෙන්න නිදිකිරකිර ඉඳලා මට අහුවුනා"...
"දැන් කුරුම්බා ටික කපාගෙන බීලා කෝම්බ ටිකත් අරගෙන යමු..."
අප්පා.... බිව්වට බිව්වෙ නෑ වගේ.. එහෙම කුරුම්බා බීමක්... බයේ හරියට පෙවුනෙත් නෑ වගේ... කොහොමහරි ඊලඟ පැය බගෙ ඉවරවෙනකොට අපි කුරුම්බා කෝම්බ ටික පැත්තක ගොඩ ගහලා සර් ඉස්සරහ...
" හෙට ඉන්ටර්වල් එක දුන්න ගමන් හැමෝම මෙතනට එන්න ඕනි..."
"දැන් යනවලා .."
.....................................................................................................................................................................
මම ගුරත් එක්ක එනකොට හැමෝම වගේ ඇවිල්ල හිටියා.බකලයි ඌරයි ආවේ අපි එනවත් එක්කම වගේ...
"හැමෝම කුරුම්බ කෝම්බ එක ගානෙ ඔලුවෙ තියාගෙන යන්න ලැස්ති වෙනව"
නේවාසිකාගාර ගේට්ටුව ඉස්සරහින් ගමන පටන් ගත්ත අපි පාර අයිනේ පේලියට ගියේ විලිලැජ්ජවෙන් ඇඹරී ඇඹරී... කැම්පස් එකේ අක්කලා බල බල හිනාවෙනවා... යන අතරේ හැමෝම ආපහු කුරුම්බා නම් කඩන්න හීනෙකින් වත් හිතුවේ නැතිවුනත්... දඬුවම ඉවරවුනාම කට්ටිය කතාවුනේ මාට්ටු නොවී කුරුම්බා කඩන හැටි ගැන....
එදා එ දුන්න දඬුවම මට තාම මතක් වෙන්නේ පොඩි හිනාවක් වගේම කඳුලකුත් ඇස් දෙකට එකතු කරමින්.. අපිට ඒ දවස්වල හැමදාම ඉන්න තිබුනානම්...
පිස්සු..

Comments

amal ishantha said…
අපෙත් ඔහොම වැඩක් වුනා. හැබැයි ගහට නැගපු පොරට තමා දඬුවම. කුරුම්බා ගෙඩි 11ක් ඉවරවෙනකම්ම බොන්න වුනා. පොර වමනේ දදා බීවා
අපි කවදාවත් මාට්ටු වුණේ නෑ.. මොකද අපි ඕව කළේ මහ දවාලෙ. පිට්ටනියට එහා පැත්තෙ තියෙන කැලෑවෙ.
1wedak said…
මම නම් ඕව කරල තියෙන්නෙ ඒ ලෙවල් වලට පාඩම් කරන්න යාළුවන්ගෙ ගෙවල් වල ගියාම. මාට්ටු නම් වෙලා නෑ. ඒ වුණාට වතාවක් එකෙක්ට ඉන්න වුණා ගෙදර මනුස්සයො ලයිට් නිවනකල් පැය බාගයක් විතර ගහේ.
said…
චැග් මට ලැබිලා නැහනේ එහෙම වාසනාවක්
ඕක වෙනකොට අපි හරියටම 10 වසරේ ඊට පස්සෙ නම් මාට්ටු වුනේ නෑ... ගානට වැඩේ වෙනවා.... "ම" සෙට් වෙලා ආතල් එකක් දානකොට අනිවා දසක ඔහොම ආතල් එකක් සෙට් වෙයි... හික් හික් හරෙශ් උඹ නේද ගහ උඩ හිටියේ...
අමල් කාලෙකින් නේ... අපරාදේ යාලුවට සප් එකක් දුන්නෙ නැත්තේ...
Unknown said…
තව ක්‍රමයක් තියනවා මේ ක්‍රමේට ගහට නගින්න ඕන නෑ, කුරුම්බා කඩන්න ඕන නෑ.
1. ගන්න හොඳ සයිසි කළු ගලක්
2. කුරුම්බා ගෙඩියේ පැත්ත ඉලක්ක කරලා ගහන්න. හරියට target එක ගන්න ඕන.
3. ඊට පස්සේ කුරුම්බේ හිල් වෙලා වැක්කෙරෙන කොට උඩට කට අල්ලන් ඉන්නයි තියෙන්නේ. හැබැයි අවධානයෙන් ඉන්න ඕන නැත්නම් පස්ස පැත්තට ගුටිය වදිනකම් දන්නෑ.
sanjeew said…
අපි A/L කරනකොට කඩපු එකක් ගහ යට තිබුන යකඩ බේසමකට වැටුන වැරදීමකින්, ඉතිං හුරේ රන් තමයි, ඒත් මාට්ටු උනේ නෑ
malee_msg said…
ඊඊඊඊසිරියාවේ බෑ.. අපිට කොහෙද ඉතිං ඔය වගේ චාන්ස්.. හැබැයි ආෆ්‍ට ස්කූල් ඉදලා ගස් වල අඹ නම් කැඩුවා.
ඒ වුනාට එහෙම කියලා බෑ කොහෙන්හරි ආතල් එක හොයාගන්නත් ඕනි.... ස්තුතිය....
මධූ said…
මරැනෙ.. මල්ලි ඔයා අයේ කුරැම්බා බිවුවද?
අපි ඉතිං කෙල්ලොනෙ... අපිට ඔහොම චාන්ස් හම්බුනෙ නෑ.. හැබැයි පොඩි පන්තිවල ඉන්න කාලෙ නං ඉස්කෝලෙ වත්තෙ තිබුන කජු ගස්, දම් ගස්, කොට්ටම්බා ගස් ඉව‍රම කලා :)

වැඩිපුර බලපු..

වඳුරන්ගේ රට.

ඒ අනාගතය කියලා පටන්ගත්තොත් අනාගතය කොයි වගේ එකක්ද කියල අපේ හිත්වල තියෙන පින්තූරයට මේක ටිකක් සමාන වෙලා පෙනෙන්න පුළුවන්. ඒ පින්තූරය හදලා තියෙන්නේ වැඩිපුරම පොත්වලින් සහ චිත්‍රපටිවලින් කියලා කිව්වොත් වැරැද්දක් නෑ. කවුරුහරි මේක Planet of the Apes වගේ කතාවක් කියලා කිව්වොත් ඒකෙ ඇති වැරැද්දකුත් නෑ හරියකුත් නෑ. අපි ඒ ග්‍රහලෝකයට මැඩේෂියාව කියලා කියමු. මැඩේෂියාව භූ පිහිටීම අතින් ගත්තොත් තනි මහද්වීපයකින් සමන්විත විවිධ ජනවර්ග වලින් සමන්විත වුන රටක්. එක අතකින් මැඩේෂියාව සිංගප්පූරුවට සමානයි.  මේක අතීතය, අනාගතය, වර්තමානය යන තුන්කාලයෙන් ඕනිම කාලයක සිදුවෙන්න පුළුවන් සිදුනොවෙන්නත් පුළුවන් සිදුවීමක්. හෝමෝ නියර්ඩල්තාල්ගෙන් හෝමෝ ඉරෙක්ටස්ට පරිණාමය වුනේ වඳුරා වුනාට හෝමෝ ඉරෙක්ටස්ගෙන් හෝමෝ එක්සලන්ස් වෙන්නේ ඔය වඳුරාද කියන ගැටළුවත් එක්ක අපි කතාව පටන්ගමු. මෙන්න මේ හේතුව නිසා තමා මැඩේෂියාව තුල මැඩේෂියාවේ පූර්වජයා ලෙස ඉගැන්වෙන චිම්පන්සියාව දේවත්වයෙන් සලකන්නේ. මැඩේෂියාව මූලිකව ද්වී ආගමික රටක්. චිම්පන්සියුස් නමින් හැඳින්වෙන මූලික ආගම නිර්මාණය වෙලා තියෙන්නේ මැඩේෂියාවන් පැවත එන්නේ චිම්පන්සින්ගෙන් කියන හරය පදන

වයිරා.

මම වයිරා. කතාව කොහොම පටන් ගත්තත් අන්තිමට ඉවරවෙන්නේ එකම විදිහට හින්දා මම ලේසි විදිහෙන් පටන් ගන්නම්. මගේ ගොන් ජීවිතයේ වැස්සියෝ දෙතුන් දෙනෙක්ගෙන් කට්ට කාලා තිබුනත් රත්තිට වෙන නාම්බෝ දෙතුන් දෙනෙක් යෝජනා ගෙනත් තිබුනත් මම රත්ති ගැන හිතාගෙන හිටියා. හඳයා... හඳයා මට වඩා වයසයි. පුන්නක්කු පාවිච්චියක් නෑ. හඳයාත් රත්තිට යෝජනා වුන එක නාම්බෙක්. මම ඊයේ වෙනකම් හිතාගෙන හිටියේ රත්ති මට කැමතියි කියලා. හඳයාට රත්ති කැමති නැති බව රත්ති මට කියලා තිබුනා. ඒත් ඊයේ පාන්දර ගලගාව වෙල්යායේදී රත්ති හඳයාට කැමැත්ත දුන්නා කියලා කිව්වා. ඒ ඇයි කියන්න රත්ති දැනගෙන හිටියේ නෑ, එක්කෝ කියන්න බැරිකමක් තිබුනා, නැත්නම් වුවමනාවක් තිබුනේ නෑ වෙන්නත් පුළුවන්. රත්ති එක්ක මගේ ලොකු සම්බන්ධයක් තිබුනේ නෑ. ඒත් රත්තිගේ ඒ දික් හොම්බ, වයිරන් වැටුන හම, සැරින් සැරේ මැස්සෝ අයින් කරන්න මගේ පිට උඩට වැටෙන රත්තිගේ නැට්ට. මේවාට මම ඒ සතිය ඇතුලේ වශීවෙලා හිටියේ. මම ටිකක් වෙලා පැත්ත ගහලා ඉඳලා ආයි රත්තිට කතා කලා. රත්ති ඇඬුවා, දෙඩුවා, පොලවේ හැපුනා, ඒත් ඊයේ හැම ප්‍රශ්නෙටම උත්තර තිබුන රත්තිට මගේ ප්‍රශ්නවලට දෙන්න උත්තර නැතිවෙලා. සරලවම අපේ සම්බන්

ගබ්සාව..

සුජ්ජා අවසාන වතාවට මට හමුවෙන විට ඌ හිටියේ පෝරු මස්තකාරූඩවය. ඉන්පසුව මට වුවමනාවක් නැතිකම හෝ වැඩවැඩිකම හෝ ඌ අතුරුදහන් වීම හෝ වෙන කිසියම් කරුණක් නිසා මට ඌ හමුවුනේ නැත. කෙසේවෙතත් මම විශ්වවිද්‍යාලයට යන කාලේ ඌ මගේ රූමා යන්න වග මට මතකය.            සුජ්ජා සුන්දර මනුස්සයෙකි. ඒ ඌ කිසිම දෙයක් පිලිඹඳ ඕනාවට වඩා නොසිතන නිසා යැයි මම සිතමි. ඒ අවුරුදු හතර තුල සුජ්ජා මගේ හොඳම මිතුරන් කිහිප දෙනාගෙන් එකෙකු වීමට එයම හේතුවුනා යැයි මම සිතමි. ඒ කවරකටත් වඩා සුජ්ජා මට මතක හිටින්නේ වෙන හේතුවක් නිසා කිව්වොත් ඒ බොරුවක් නොවේ. ලතා.. සුජ්ජා ලතා සමග හාද වෙනකොට විශ්වවිද්‍යාලෙට ගිහින් මාසයක්වත් නැතුව ඇති. පෞද්ගලික ආයතනයක අයි ටී උගන්නපු ලතා සුජ්ජා එක්ක යාළුවුනේ සුජ්ජාගේ තිබුන යම් ගුණයක් නිසා වෙන්න පුළුවන්. කෙසේවෙතත් හැමඑකටම හිනාවෙන්න පුළුවන් සුජ්ජාත් එක්ක යාළුවුන ලතා වාසනාවන්තයි කියලා මට නම් මේ දැනුත් හිතෙනවා. කොහොමත් මේ සම්බන්ධයට මාස හයක් විතර යද්දි සුජ්ජායි මගෙයි අතර සම්බන්ධතාවය හරිම යාන්ත්‍රික වෙලා තිබුනේ, ඒක සමහරවිට පුරුද්දට වගේ සතියකට ගිහින් ගහන ගල්බාගෙකට, හවසට කම්මැලිකම යන්න ගහපු සිගරට් එක