බුදුරජානන් වහන්සේ පිරිනිවන් පෑ සේක...
ක්‍රිස්තූස් වහන්සේ ස්වර්ගස්ත වූ සේක...
ලොකු හාමුදුරුවෝ අපවත් වූ සේක...
පොඩි විජේ වලකජ්ජ ගැසුවේය...
ඇමතිතුමා අභාවප්‍රාප්ත විය...
ඒත්..........
මාස්ටර් මලා...
කේමදාස මාස්ටර්ගේ ආදාහනය දවසේ බෙදාහරින ලද පත්‍රිකාවක තිබුන පොඩි වදන් වැලක්...
අදහස පැහැදිලි වුනත් වචන ටික හරියටම ඒවද කියලා විශ්වාසයක් නෑ...
සන්නස්ගලයන්ගේ මම දැකපු අර්ථවත් ඇමුණුමක්...
මාස්ටර්ට ලැබුනු දේවල්...
මාස්ටර් කොයිවගේ චරිතයක්ද කියලා මේ වචන ටික කියෙව්වාම හොඳටම දැනෙනවා...
ස්තුතියි සන්නස්ගලයිනි...
6 comments:
ආදරණීය මාස්ටර්.......
සුළං කුරුල්ලෝ සමගින්
අහස් ගවිවෙන් එහා ගිය ඔබ
මානස විල අද්දර දොරමඩලාවෙන්
නැවත එනතුරු
අපි බලා සිටිමු..................
මාස්ටර් කියන්නේ මාර පෞරුෂයක් සහිත මනුස්සයෙක්. ඒක හින්දා මිනිහට ගහන්න බැරි ගොඩාක් අය මාස්ටර් ඉම්බා.ඒකේ ප්‍රතිපලයක් ලෙස තමයි ගොඩාක් අය මාස්ටර්ට ගහන්න බැරි නිසා තමන්ගේ පාවිච්චිය සදහා ඔහුව යොදාගත්තේ.මේකේ ප්‍රතිපලක් ලෙස මාස්ටර්ට රාජ්ය අනුග්‍රහය යටතේ අවසන් කටයුතු කරන අතර, අමු ළිං ගෙඹි ජාතීවාදීන් මෙන්ම ලංකාව ඇමරිකාවක් කරන්න දගලන අවස්තාවාදී තක්කඩි ලිබරල් කාරයෝ දක්වා මාස්ටර්ව තමන්ගේ ගොඩට දාගන්න දැගළුවේ.ඒකේ ප්‍රතිපලයක් තමයි මේකත්.
අරමුණ මොකක් වුනත් ඉතා හොද නිර්මාණාත්මක මරණ දැන්වීමක්.
කථාව හරියට හරි.. මම මේක දැම්මේ මාස්ටර්ට කරන ගෞරවයක් විදිහට මිසක් කඩේ යන්න නම් නෙමෙයි..
මාස්ටර් කරන හැම දේම මිනිස්සු ආදරයෙන් වැලඳ ගත්තා.. ඒ විතරක් නෙමෙයි පාලිත කිව්ව වගේ මාස්ටර් තමන්ගේ දෙකයි පණහේ දේශපාලනයට දාගන්න හැදුවා.. ඒත් අන්තිම වෙනකම් මාස්ටර් තනි මිනිහෙක් විදිහට හිටගෙන හිටියා.. ඒකයි මම හිතන්නෙ හුඟක් තරුණ පරපුර මාස්ටර්ට කැමැත්තක් දක්වන්නේ...
මොකක්ද මේ නලින්ගෙයි අමරසේකරගෙයි වලිය? කවුරු හරි මේ ගෑන වෑඩි විස්තර දන්නවද?
මුළු ලොව උසුලන රන් ටැඹ මිනිසා..
හදවත අද ගොළු වූවද, වදනින් එහා ගොස් අප හදවත්හි සියුම් තැන් ස්පර්ශ කල ඔබගේ සංගීතය අපට මහ මූහූදකටත් වඬා වූ නිධානයකි..
අකාල සන්ධ්යාවක තුන්වන යාමයේ සිදුවූ ඔබේ නික්ම යාම, මල්දෙණියේ සිමියොන් ද වෙද හාමිනේ ද අප සැම ද ශෝක අග්නියේ දවයි..හංස විලක තනිව සොඳුරු වර්ණදාසිය හඬයි..උදුම්බරා ද කඳුළු සලයි..
සෙන්පතියෝ සතර දෙනෙක් පෙරටු කොට මානස විල අද්දර දොරමඬලාවෙන් ඔබ නැවත කවදා හෝ ඒ දැයි අපි බලා සිටිමු...නමුත්, අහස් ගව්වෙන් එහා ගිය ඔබ සුළං කුරුල්ලෝ සමග නොපැමිණෙන බව දනිමු..
සදාදරණීය සංගීතවේදියානණි..ඔබට නිවන් සුව ලැබේවා.."
මාස්ටර් නැති වෙච්ච දවස් වල මම මූණුපොතට ලිව්ව සටහනක් මේ...මේ සටහන දක්කම දාන්න හිතුන...
Post a Comment