Skip to main content

මට ඌව හමුවීමටද උවමනාවක්ද වූයේ නැත.

"අනේ මන්දා බං මේ ගෑණිව කොහොම තේරුම් ගන්නද කියලා"
ඉන්දිකයා එකපාර බංකුවේ හෙවනට වැවිලා තිබුනු කොට්ටම්බා ගහේ ගෙඩි හොයන්න පටන් ගත්තේ සමහරවිට උගේ කඳුලු මට පෙනෙයි කියලා බයේ වෙන්නත් පුළුවන්...
"ගෑණුන්ව තේරුම් ගන්න යන එක මහ පොල් බූරු වැඩක්. ගෑණු කියන්නේ හෙන විපරීත ජාතියක් බං.. දෙයියො ගෑණිව මවලා තියෙන්නෙ ගංජා ගහලා. ඒත් මට වෙලාවකට හිතෙනවා ඔය දෙයියො කියන්නේ ගෑණියෙක්වත්දෝ කියලා බං."
ඉන්දිකයා තාමත් කොට්ටම්බා ගෙඩි සොයයි, උගේ හිත හැදීමට මම යමක් කිව යුතුව ඇත.
"මේ අහපන් දැන් ඒකිට උඹව එපා නම් නිකං පදිරි වෙන්න මොකට යනවාද? මේ ලෝකෙ ගෑණු නෑ කියලා හිතුවද?"
මම මූදේ ඉන්නෙ එක මාළුවද යන්න නොපැවසුවේ දැනටමත් හත් අටදෙනෙක් ඌට ඔය කතාව කියා තිබීමට ඉඩ තිබූ නිසාය...
"හැම එකාම කියන කතාව උඹත් කියනවා කියලා හිතුවා නම් මම උඹට කෝල් කරලා ගෙන්නගන්නෙ නෑ.. සිගරට් එකක් බොමුද?"

ඉන්දික ඇතුලට ගොස් සිගරට් ගෙනෙනතුරු මම කල්පනා කලේ එය ගැනය.. තුන් අවුරුදු ප්‍රේමයක්
"මුලින් ලව් කරලා ට්‍රේනින් එක කාලයේ එක පාර නවත්තලා ගෑනි ආයි කැම්පස් ආවම මුගේ කරේ එල්ලුනා.. අන්න ගෑනු.."
කට වාචාල කමට ධම්මිකයා එහෙම කිව්වත් කතාව වැරදි නැතැයි මටත් සිතුනි..
ඒත් ඉතිං එපානම් බලෙන් ඉන්නෙ මොකටද? අපරාදේ ලස්සන කෙල්ල... මට ඇගේ රුව සිහිවිය..
"මේ දවස්වල සිගරටුත් වැඩිපුර පෙවෙනවා බං"
සිගරට් එකේ කෙලවරින් පිටවුන දුම සහ ඉන්දිකයාගේ මුවින් පිටවන දුම් එකට කලවම් වේ. ඉන්දිකයා සිගරට් බොන්නේ ලඟදී සිගරට් බොන්න පුරුදු වුන එකෙක් වගේ යැයි මට සිතුනි.
"මේකයි මචං සිගරට් එකෙනුත් ගල් බෝතලෙනුත් ලැබෙන දේවල් තියෙනවා නොලැබෙන දේවල් තියෙනවා බොන එක බොන විදිහට බීපන් ප්‍රශ්න විසඳන්න කියලා කන පැලෙන්න බීලා වෙරි හිඳිලා බලනකොට ප්‍රශ්නෙ එතන එහෙම්මමයි"
ඉන්දිකයා කොට්ටම්බා ගෙඩියක් සොයාගෙන ඇත. ඌ එදෙසට දුම් පිටකරයි.
"ඒකිට හොඳ ජොබකුත් සෙට් බලපන් මෙහෙම බලුවැඩ කරන එවුන්ටත් හරියනවානේ"
උගේ හඬ හැඟුම්බරය. දහස් ගානක් වචන ගොනුකලත් ඌට හිතෙන දේ තීරණය කිරීමට මට නොහැක
"මිනිහෙක්ගෙ කලික්‍රියාවෙන් ඌට හරියනවාද වරදිනවාද කියලා කියන එක මහා බොරු වැඩක්. ලෝක ධර්මය කියන්නේ මිනිස්සු හිත හදාගන්න හදාගත්තු කතාවක්. එහෙම වෙයි කියලා බලාපොරොත්තු වෙන්නත් එපා. මොනා වුනත් උඹ ඒකිට අද වෙනකනුත් ලව්නෙ බං. ඒකි කරපු වැඩේ උඹට අනුව අසාධාරන වෙන්න ඇති. ඒකිගේ පැත්තෙන් මොන අවුල් තියෙනවාද කියලා අපි දන්නෙ නෑනේ, දෙන්නෙක් තේරුම් ගන්නවා කියන එක විකාරයක් අපි කවදාවත් අනිකාගේ ඇහෙන් අනිකා දිහා බලන්නේ නෑ එහෙම බලන්නත් බෑ... අපි අපිට පේන විදිහට අනිකාගේ ප්‍රශ්නෙ දිහාත් බලනවා. සමහර වෙලාවට ඒක අනිකා හිතන එකට සමාන වෙන්න පුළුවන්. හැබැයි ඒ එක අවස්ථාවක් විතරයි කියන එක මතක තියාගනින්.. "
ප්‍රථම වතාවට ඉන්දිකයා තිරස්ව බලාගෙන සිටියේය. ඌ බලා සිටියේ ගේට්ටුව දෙසය... සිගරට්ටුව ඇත්තේ මහරගමට ආසන්නයේය...
"ඒකිට මාව මදිවුනා බං! ඒකිට ඕනි පොරක් මම කැම්පස් එක ඇතුලේ පොරක් වුනාට එලියෙදි මදුරුවෙක්ටත් අන්තයිනෙ බං ඒකි එලියට ගියාම පොරක්ව හොයාගත්තා"
ඌ සිගරට්ටුවේ අවසාන දුම් උගුර ඇද පිල්ටරය බේඳුරු පඳුර ඇතුලට විසිකලේය. මගේ එක තව ඉතුරුය. මම එකවිට උගුරු දෙකක් ඇද්දේ එය ඉක්මනින් ඉවරයක් දැකීමට අවශ්‍ය වූ නිසාය..
"ආදරේ කියන්නේ කලාවක්. අපිට ප්ලේටෝ කියපු අනික් ලිංගිකයා හොයාගෙන යන්න වෙලාවක් නැති හින්දා අපිට හම්බුවෙන එකාගෙන් සෑහීමට පත්වෙන්න වෙනවා. එතකොට දෙන්නා ගැලපෙන්නෙ නෑ. කවුරුහරි එහෙම නෑ කියලා කියනවානම් ඌ අර මිනිස්සු මට අත්පුඩි ගහනවා කියපු මදුරුවා වගේ එකෙක්. ඒ එන නොගැලපීමට වෙනස්කමට අපි ආදරය කරනවා නම් අන්න ඒක තමා බං කලාව"
මම සිගරට් එක තාප්පේ අයිනට විසිකර නැගිට්ටෙමි.. සංවාදය සිගරට්ටුවේ දිගකට සීමා විය. පසුව මම ප්ලේන්ටියක් බී බෝඩිමට ගියෙමි. ඊටපසු මට ඉන්දිකයාව හමුවුනේ නැත. මට ඌව හමුවීමටද උවමනාවක්ද වූයේ නැත.

Comments

මට කියන්න මුකුත්ම හිතා ගන්න බැරිව ඉන්නේ මේක කියවලා..

"ලෝක ධර්මය කියන්නේ මිනිස්සු හිත හදාගන්න හදාගත්තු කතාවක්..."
[මේක ඇත්තක්ද..??]
malee_msg said…
මරු මචං මරු!
ගොඩක් දේවල් වලට මෙතන දීලා තියන අර්ථකතන නම් මරු බං..!
h said…
මම උපුටගන්න හිතපු එක සබා අක්කි උපුටලා දාලා...

ඔය කතාව ඇත්ත... මිනිස්සු අන්තිම අඩියට වැටිල වුණත් සැනසීම හොයන්න දෙන පුංචි උත්සාහය වෙනුවෙන් බිහිවුණ සංකල්පයක්නෙ ඔය ලෝක ධර්මෙ කියන එක...

අර කිව්ව වගේ ප්ලොටෝත් ගංජ ගහපු වෙලේක අපේ අනෙක් ලිංගිකයා හොයාගෙන යන කතාව කිව්වට අනෙකා හොයන එකත් අර මම හොයනව වගේ වැඩක්. අනිත් අතට අපේ අනෙකාව හොයාගන්න ඉස්සෙල්ල තමාව හොයාගන්න එපැයි. හොඳින් හෝ නරකින් වෙන දේවල් ටිකක් වෙනවා... අපි පස්සෙ ඒවට තේරුම් හොයනවා... ඒ වෙන ඩිලේ එකනං මාර අපරාදෙ කියල තේරෙණකොට ඉවරයි!

එල එල ඉතිං ඕක කියන්න ඕන නෑනේ...
Raven said…
මට මේක කියවද්දි හිතුනෙ ඉන්දිකයා කියන්නෙත් උ‍ඹ(මේ කතාවෙ මම) තුලම ජීවත් වන තවත් චරිතයක් කියලයි. ඒ කිවුවෙ තමන් එක්කම කරන සංවාදයක්.

ගොඩක් දේවල් ලියවිලා තියන සිරා සටහන. කීප වතාවක්ම කියෙවුව.
මම නම් කියන්නේ ලෝක ධර්මය කියන්නේ අර ඇච් කිව්වා වගේ එකක් තමා.. එහෙම එකක් නෑ.. එහෙනම් ලංකාවේ උඩ තැන්වල ඉන්න ඕනි ඔක්කොම හොඳ මිනිස්සු... අර රේවන් කියනවා වගේ මේක ඇතුලෙම වෙන සංවාදයකටත් ටිකක් සමානයි.. මොකද මෙතන ඉන්නෙ අමාරුවේ වැටුන තමා සහ අමාරුවේ නොවැටුන තමා..
දුකා said…
මටත් මේ ලිපිය ගැන හරියටම මොකක් කියනවද කියලා හිතා ගන්න බැරුව ඉන්නේ . .

අර මූදේ මාලු කතාවයි පදිරි කතාවයි ත් ඉන්දිකට කට්ටිය කියලා තියෙන හින්දා . . .

අනේ මන්දා බන් . .
කෙල්ලෝ හොයන්නේ පොරවල්ලා තමා. හැබැයි එක එක ජාතියේ පොරවල්ලාට තමා එක එක කෙල්ලෝ කැමති. ඔය කියන කෙල්ල අරූව දාලා ගියේ කොතනදීද ආන් එතනදී අරූ පොරක් නෙමෙයි... ඒ කියන්නේ ගෑනිට ඊට වඩා පොරවල්ලාගේ රහ දැනිලා තියෙනවත් ඇති (නොකිව්ව‍ට)
LishWish said…
ඕක තමා ජීවිතේ කියන්නේ මචන්..! පොඩිකාලේ කෙල්ලෝ ආස බෝනික්කන්ට, කොල්ලෝ වෙච්චි අපි ආස යෝධයින්ට.., කරුමේ කියන්නේ ලොකු උනාම කෙල්ලො ආස වෙන්නේ යෝධයින්ට අපි ආස කරන්නේ බෝනික්කන් ට.
එක අතකින් මූව කෙල්ල තවදුරටත් අතරමං කරන්නේ නැතුව වෙන සතක් බලාගත්තු එකත් එකක්..! නැතිනම් ඒකෙනුත් කරදරේ මූටමයි..!

මේවා අපි හැමෝගේම පොදු සාධක..,උඹ ලිව්වට මේක හරහා අපි කියවන්නේ අපි ම ගැන කියලයි මටනං හිතෙන්නේ..!
මෙහෙම දේවල් වලට වචන හොයන්න තරම් මම දියුණු නෑ. ඒක හින්දා මම මොකුත්ම කියන්නේ නෑ..
මේ දේවල් මේ විදිහටම කියලා පිළිගන්නත් මම කැමති නෑ ඔන්න.
h said…
@ raven - සිරාවට දෙන්නම එකම වෙන්න ඕන.. මොකද මේ ටික වෙලාවෙදි මේකා එක සිගරට් එකක් විතරක් බිව්ව වෙන්න බෑ... සිගරට් දෙකතුනක්වත් බීල තියෙන්න ඕන... ඒ කියන්නෙ මූයි ඉන්දිකයයි දෙන්නම මූ ම තමයි.
මොනා කියන්නද... කෙල්ලො කියන්නේ තේරුම් ගන්න තියා හිතන්නවත් බැරි කොටසක්... එක්කො දෙයියො පිරිමි එක්ක ලොකු මලක් ඇතිව තමා ඔය ගෑනු මැව්වෙ... අනේ මන්ද බොල... ගෑනු ගැන මේ දවස් වල හිතන්නෙවත් නැහ.
Kathandara said…
ඉන්දිකයාට ද මා හවුවෙන්නට උවමණාවක් කිසිසේත්ම නොතිබුණු බව දැන් පැහැදිලිය.

නිමි.
Rusiru Boteju said…
උඹ අළුත් පෝස්ට් එකක් ලියනකන් හැමදාම වගේ රීඩර් එක බලනවා අනේ මන්දා උඹ ලියන හැම දේම හිතට මාර විදිහට වදිනවා එවා ඇඟට දැනෙනවා. කථාවෙ ඇත්ත නැත්ත මම හොයන්න යන්නෙ නැහැ නමුත් අපේ ජීවිතයට මොහොතකට හරි එන අය වෙන්වෙන කොට දැනෙන ඒ හැඟිම් උඹ ලියල තියෙන හැටි අපූරුයි.
ආගන්තුකයාගේ ආදරයේ මිහිරි මතකයන් මාර වෙනස් විදිහට ලියලා තියෙනවා. දැන් තමා මටත් මේවා තේරෙන්නෙ. උඹ ඒ දවස් වල කිව්ව කියවීමේ කලාව ගැන.

ප.ලි - මේකෙ තීම් එකේ පාට කැතයි කියලා උඹට කවුරුත් කිව්වෙ නැද්ද. කියවන්න අමාරුයි.
නියමයි මචං! නමුත් කෙනෙක්ට ඕනි උනාම ඕනිම දෙයක් ඕනිම විදිහකට කියන්න පුලුවන්. ලෝක දර්මයක් නම් මම දන්නේ නෑ. නමුත් මචං හැඟීම් කියන්නේ බොරුවක් කියන එකනම් මම දන්නවා. ඒ උනාට අපේ ජීවිත වලට කික් එකක් එන්නේ ඒවායින්. උබ මේක ලස්සනට ලියලා තියෙන්නෙත් මේක කියෙව්වහම උඹ නම් නියමයි කියල මට හිතෙන්නෙත් ඒ හින්දම තමයි...

වැඩිපුර බලපු..

වඳුරන්ගේ රට.

ඒ අනාගතය කියලා පටන්ගත්තොත් අනාගතය කොයි වගේ එකක්ද කියල අපේ හිත්වල තියෙන පින්තූරයට මේක ටිකක් සමාන වෙලා පෙනෙන්න පුළුවන්. ඒ පින්තූරය හදලා තියෙන්නේ වැඩිපුරම පොත්වලින් සහ චිත්‍රපටිවලින් කියලා කිව්වොත් වැරැද්දක් නෑ. කවුරුහරි මේක Planet of the Apes වගේ කතාවක් කියලා කිව්වොත් ඒකෙ ඇති වැරැද්දකුත් නෑ හරියකුත් නෑ.

අපි ඒ ග්‍රහලෝකයට මැඩේෂියාව කියලා කියමු. මැඩේෂියාව භූ පිහිටීම අතින් ගත්තොත් තනි මහද්වීපයකින් සමන්විත විවිධ ජනවර්ග වලින් සමන්විත වුන රටක්. එක අතකින් මැඩේෂියාව සිංගප්පූරුවට සමානයි. 

මේක අතීතය, අනාගතය, වර්තමානය යන තුන්කාලයෙන් ඕනිම කාලයක සිදුවෙන්න පුළුවන් සිදුනොවෙන්නත් පුළුවන් සිදුවීමක්. හෝමෝ නියර්ඩල්තාල්ගෙන් හෝමෝ ඉරෙක්ටස්ට පරිණාමය වුනේ වඳුරා වුනාට හෝමෝ ඉරෙක්ටස්ගෙන් හෝමෝ එක්සලන්ස් වෙන්නේ ඔය වඳුරාද කියන ගැටළුවත් එක්ක අපි කතාව පටන්ගමු. මෙන්න මේ හේතුව නිසා තමා මැඩේෂියාව තුල මැඩේෂියාවේ පූර්වජයා ලෙස ඉගැන්වෙන චිම්පන්සියාව දේවත්වයෙන් සලකන්නේ.



මැඩේෂියාව මූලිකව ද්වී ආගමික රටක්. චිම්පන්සියුස් නමින් හැඳින්වෙන මූලික ආගම නිර්මාණය වෙලා තියෙන්නේ මැඩේෂියාවන් පැවත එන්නේ චිම්පන්සින්ගෙන් කියන හරය පදනම් කරගෙන…

ගබ්සාව..

සුජ්ජා අවසාන වතාවට මට හමුවෙන විට ඌ හිටියේ පෝරු මස්තකාරූඩවය. ඉන්පසුව මට වුවමනාවක් නැතිකම හෝ වැඩවැඩිකම හෝ ඌ අතුරුදහන් වීම හෝ වෙන කිසියම් කරුණක් නිසා මට ඌ හමුවුනේ නැත. කෙසේවෙතත් මම විශ්වවිද්‍යාලයට යන කාලේ ඌ මගේ රූමා යන්න වග මට මතකය.

           සුජ්ජා සුන්දර මනුස්සයෙකි. ඒ ඌ කිසිම දෙයක් පිලිඹඳ ඕනාවට වඩා නොසිතන නිසා යැයි මම සිතමි. ඒ අවුරුදු හතර තුල සුජ්ජා මගේ හොඳම මිතුරන් කිහිප දෙනාගෙන් එකෙකු වීමට එයම හේතුවුනා යැයි මම සිතමි. ඒ කවරකටත් වඩා සුජ්ජා මට මතක හිටින්නේ වෙන හේතුවක් නිසා කිව්වොත් ඒ බොරුවක් නොවේ.

ලතා..
සුජ්ජා ලතා සමග හාද වෙනකොට විශ්වවිද්‍යාලෙට ගිහින් මාසයක්වත් නැතුව ඇති. පෞද්ගලික ආයතනයක අයි ටී උගන්නපු ලතා සුජ්ජා එක්ක යාළුවුනේ සුජ්ජාගේ තිබුන යම් ගුණයක් නිසා වෙන්න පුළුවන්. කෙසේවෙතත් හැමඑකටම හිනාවෙන්න පුළුවන් සුජ්ජාත් එක්ක යාළුවුන ලතා වාසනාවන්තයි කියලා මට නම් මේ දැනුත් හිතෙනවා. කොහොමත් මේ සම්බන්ධයට මාස හයක් විතර යද්දි සුජ්ජායි මගෙයි අතර සම්බන්ධතාවය හරිම යාන්ත්‍රික වෙලා තිබුනේ, ඒක සමහරවිට පුරුද්දට වගේ සතියකට ගිහින් ගහන ගල්බාගෙකට, හවසට කම්මැලිකම යන්න ගහපු සිගරට් එකකට සීම…

රේවත

වර්ෂය 1992 වන්නට ඇත. විශ්වවිද්‍යාලයෙන් ඉවත්වී ගුරු ජීවිතය පටන්ගත්තු අළුතම හත්දාමගුල හත් මාසයක් යන්න කලින් අහවර වුන නිසා මගේ හිත හදාගන්න කියලා මමම රාගල පඥ්ඥාසේකර විද්‍යාලයට සාමාන්‍ය පෙල ගණිතය උගන්වන්න ගියා. විරහ දුක හරි දිවිනසාගන්න හිතෙන තරම් පාළුව හරි වෙන මොකක් හරි එකක් මගේ හිතේ කොනක ඇරෙන්න වෙන කොහෙවත් නොතිබුනාට මම රාගල මාරුවට කැමැත්තෙන්ම ගියේ මට වටෙන් පිටෙන් ඉමෝෂනල් වෙන්න තියෙන හේතුවලින් පැනලා යන්න කියලා කිව්වොත් සෑහෙන්න හරි. ඊට අමතරව රාගල මීදුමත් සීතලයත් මදි පාඩුවට තිබුනා.



පඥ්ඥාසේකර විද්‍යාලය රාගල තිබුන ලොකු ඉස්කෝලයක් වුනාට පොඩි ස්කෝලයක්. ගෑනියෙක්ට වඩා සීතලට ආදරේ කරන මිනිහෙක් වුන මම ඇරෙන්න ඒ ඉස්කෝලෙට කැමැත්තෙන් ගිහින් තිබුනේ දණිස්සාගම රේවත හාමුදුරුවෝ. පෙනුමෙන් දිඹුලාගල හාමුදුරුවෝ වගේ වුනාට මට වඩා අවුරුදු පහක් විතර වැඩිමල් වුනාට රේවත හාමුදුරුවන්ගේ රැවුල පැහිලා තිබුනේ නෑ. ඉඳලා හිටලා මරන මදුරුවෙක් ඇරුනාම සිල්වත්කමිනුත් එච්චර අඩුවක් හාමුදුරුවන්ගේ තිබුනේ නෑ.

හාමුදුරුවන් රාගල ගමේ ප්‍රසිද්ද වෙලා තිබුනේ ගමේ තරුණ සමිතිය නිසා කිව්වොත් වරදක් නෑ. කැත්තේ උදැල්ලේ වැඩ පුරුදු වුනත් පසුකාලීන් සරීරයට…